-Crespo segue calado e agora
agóchase detrás da concelleira para non
asumir as súas responsabilidades nesta selección de persoal irregular e
fraudulenta
-As lamentables explicacións da
concelleira de emprego non fan máis que confirmar que só lle deron unha
“preferencia” simbólica de 2,5 puntos ás persoas establecidas como preferentes
pola Deputación
-Se non fora polas actuacións dos socialistas
a inmensa maioría dos parados e paradas de Lalín aínda hoxe non saberían nada
destes postos de traballo, porque no Concello de Lalín tiñan todo moi calado
para poder darlle os traballos aos seus amigos e coñecidos
-Denunciamos que é un auténtico
escándalo que a Xunta de goberno local presidida po Crespo aprobara as bases de
selección de persoal despois de ter presentado as ofertas de traballo na
oficina de emprego
Os
socialistas de Lalín e a maioría do pobo lamentamos que Crespo permaneza
calado e agora se agoche detrás da concelleira de Emprego para non dar
explicacións sobre as innumerables irregularidades que se están a producir na
selección de traballadores do plan da Deputación.
Os socialistas consideramos que é a
propia concelleira a que recoñece que estableceron caprichosamente unha
puntuación simbólica de 2,5 puntos (desde logo nada preferente se se compara
cos 35 puntos de puntuación máxima de todo o proceso) para as persoas que a
Deputación consideraba como colectivos preferentes por levar máis tempo no
paro, por ter os ingresos máis baixos ou por ter maiores cargas familiares.
Estamos absolutamente convencidos que
grazas as actuacións dos socialistas, a inmensa maioría dos parados e paradas
de Lalín estanse a enterar neste días de que había estas ofertas de traballo
porque o propio Concello recoñece que só deu a información a unhas 100
personas, pero esquécense que en Lalín desafortunadamente hai máis de 1700
parados e paradas, o que deixa como clara evidencia a que desde o Concello tiñan
o conto moi calado para que só o souberan os seus amigos e coñecidos.
Os socialistas vémonos na obriga de
denunciar o auténtico escándalo que supón que a Xunta de goberno local
presidida por Crespo aprobou as bases de selección de traballadores, onde
incluiu os baremos dos criterios que ían puntuar, cando uns días antes xa tiña
presentadas as ofertas de traballo na oficina de emprego, polo que cando
publicaron as ditas bases na páxina web do concello xa a xente non puido
apuntarse a tempo, xa que estaba a xente buscada e mesmo moitas persoas xa
recibiran na súa casa a carta para presentarse no concello.
- CRONOLOXÍA:
-2
de xaneiro de 2015: publícanse as bases no BOP
-19
de xaneiro de 2015: a Xunta de Goberno Local .Punto 7.9.Aproba acollerse ao
Programa .Apróbanse as bases e todos os
postos . En Internet so está colgado o extracto da XGL. Pero na acta pódese
observar como xa se decidiran os postos e ocupacións que se ían reclamar á
oficina de emprego.Polo tanto se agocha o proceso
-11
de febreiro de 2015: O Concello de Lalín fai a petición de persoal á Oficina de
Emprego.Non se pide nin titulación, so aos administrativos e aos socorristas.
Foi comprobado documentalmente polo concelleiro Cristóbal Fernández no propio
Concello
-18
de febreiro de 2015: a XGL aproba as Bases Propias definitivas que rexeran o
proceso.
Compróbase que durante un mes en
lugar de anunciar os perfís e os postos de traballo para conseguir que cantos
mais desempregados tiveran a posibilidade de competir en igualdade o Concello
agocha a relación de postos necesarios e so llos comunica a que a eles lles
interesa. É inadmisible e fraudulento e supón un autentico insulto e burla aos
parados e paradas de Lalín que se aproben as bases dun proceso de selección de
traballadores cando este proceso xa leva un tempo que estaba iniciado
No hay comentarios:
Publicar un comentario