·
Ambos coincidiron na necesidade de buscar unha
urxente solución aos problemas de compatibilidade do Cortizo.
·
Os socialistas defenderon o proxecto de dous
campos de fútbol e como alternativa expuxeron a creación dun campo de
superficie mixta.
Na xeira de reunións que o candidato
socialista á alcaldía, Nicolás González Casares, está mantendo con diferentes
entidades municipais, hoxe foi o turno do Clube Deportivo Lalín. González
Casares e Xosé Luís Seixo, membro da directiva do conxunto lalinense,
realizaron unha xuntanza na que a problemática da compatibilidade entre os
diferentes clubes que empregan o estadio Manuel Anxo Cortizo foi a clara
protagonista.
Ámbolos dous coincidiron en destacar o mal
aproveitado que está o recinto deportivo. Isto débese ás compricacións que
supón o mantemento do campo de herba natural, que fai moi difícil o seu uso por
parte de varios clubes e provoca que os deportistas teñan que utilizar o campo
sintético, que está totalmente masificado. Neste sentido, Nicolás González Casares defendeu a súa
proposta, xa presentada días atrás, na que se establece a distribución do
espazo en dous terreos de xogo, un de superficie natural e outro de artificial.
Para o socialista a priporidade “é buscar unha solución que permita que todos
os clubes poidan utilizar o Cortizo”, xa
que non considera adecuado “ que o Rugby
ou calquera equipo de fútbol asentado no Cortizo teña que desprazarse a
lugares como Barcia ou Muimenta para desenvolver a súa actividade, tal e como
se pretende que fagan.”
Outra das propostas que defendeu o tamén
Secretario Xeral dos socialistas de Lalín foi a posibilidade de levar a cabo un
proxecto que contemple un campo cunha superficie mixta. Estas superficies, que
xa se probaron con bos resultados en cidades como Vigo, mezclan herba natural
con fibras sintéticas, polo que o campo podería ser empregado por varios
equipos sen que se deteriore co seu uso. Tanto dende o PSOE como dende o C.D
Lalín recoñeceron a dificultade para atopar unha solución aos problemas de
compatibilidade que contente a todos os clubes que empregan o Cortizo. Por este
motivo, sinalaron a necesidade de xerar debate en torno ás instalacións “para
ver entre todos o proxecto que máis se adapta ás necesidades de cada un”.
Por outro lado, dende o clube franxivermello
pediuse o adecentamento da grada vella así como a colocación dun novo paso de
cebra á saída do campo artificial.
No hay comentarios:
Publicar un comentario