·
Insisten na necesidade de que o Concello tome
medidas inmediatas para solventar unha problemática que se perpetúa no tempo.
·
Acusan a Crespo de falta de responsabilidade cos
veciños e de connivencia coas eléctricas.
Os veciños da zona de Vilatuxe levan sufrindo nos
últimos tempos continuos cortes no suministro de electricidade. O último,
produciuse onte mesmo, provocando que en varios lugares se estivese sen enerxía
eléctrica durante máis dunha hora. O Partido Socialista de Lalín e o seu
Secretario Xeral, Nicolás González Casares veñen insistindo na necesidade de
dar solución a estas situacións, sen que dende o Concello “se mova un dedo”
para tratar de solventar dita problemática, que se perpetua no tempo.
Ante tal
realidade, González Casares acusa a postura que o alcalde de Lalín, Xosé
Crespo, exerce ante averías, asegurando que “o Concello segue sen tomar
medidas, deixando evidencia da súa absoluta falta de responsabilidade cos
veciños, que ven como se lles priva do bo funcionamente dun servizo básico como
é a electricidade”. O socialista tamén pon en cuestión “os extraños intereses
que Crespo pode ter coas eléctricas, porque no canto de meterlles man e
obrigalas a que cumpran co seu servizo, permanece impasible, demostrando
complicidade, sen darlles importancia ás dores de cabeza que a falta de
suministro lles causa aos habitantes da zona de Vilatuxe”. Ante a continuidade
da situación González Casares demandou un cambio na actitude de Crespo e do
Concello e esixiulle que “dunha vez por todas se implique no asunto e tome as
medidas oportunas para solucionar unha deficiencia que xa pasa de castaño
escuro” .
No hay comentarios:
Publicar un comentario