-O Concello limitouse a establebecer
a legalidade como dogma de fe pero non desvirtuou, mesmo recoñeceu a existencia
de claras irregularidades na selección de traballadores da Deputación
-Esiximos a suspensión das actuacións
e que se inicie un novo proceso que garanta a publicidade transparencia e
igualdade de oportunidades para todos os parados e paradas de Lalín
-Imos pedir a comparencia de Crespo
no Pleno para que dea explicacións por tantas irregularidades
-Propoñemos un protocolo de actuación
vinculante ou un regulamento que estableza procesos de selección para postos de
traballo no Concello que garantan a obxectividade a imparcialidade e a
igualdade de oportunidades
Despois de ver como o Concello de Lalín mesmo recoñeceu que a
selección non está a ser limpa e transparente e só se limitou a establecer como
un dogma de fe de que cumplira a legalidade sen achegar en ningún caso ningún
argumento que desvirtue a existencia notoria e flagrante de
irregularidades no proceso de selección de traballadores do plan da
Deputación, os socialistas esiximos que
se suspendan inmediatamente as actuacións fraudulentas feitas ata agora, e se
inicie un novo proceso con todas as garantías
Aos socialistas parécenos insólito
que mentres se estivo a realizar todo un
cúmulo de irregularidades xa
contrastadas e documentadas (dar información da selección só a uns poucos,
cambiar os criterios de preferencia e mesmo aprobar as bases de selección
despois de xa ter iniciado o proceso) , Crespo
mantivo coma sempre un absoluto desprezo pola xente cun intolerable silencio
cómplice que demostra que lle importa pouco a precaria situación pola que
están pasando os parados e paradas de Lalín. Por iso os socialistas imos pedir que Crespo compareza no vindeiro
Pleno para que llea as oportunas explicacións a todo o pobo de Lalín
O
candidato a alcaldía González
Casares coincide plenamente cos
comentarios e as opinións da inmensa maioría do pobo de Lalín que din que
xa non se pode aturar por máis tempo que Crespo e os seus concelleiros se sigan
burlando de todo o mundo e lles sigan dando traballo aos seus amigos e
coñecidos mentres ao resto dos parados e paradas lles negan a oportunidade de
ter un traballo público, e por iso manifesta
a súa absoluta predisposición acabar con estas políticas de clientelismo
establecendo un protocolo de actuacións ou mesmo un regulamento que garanta que
todos os veciños e veciñas van ter as mesmas oportunidades para ter un traballo
no Concello
No hay comentarios:
Publicar un comentario