- González Casares considera necesario un centro que forme aos futuros traballadores técnicos lalinenses con competitividade.
- “É a mellor solución,é necesario un novo Laxeiro e ademais é o momento co novo conselleiro” sinalan os socialistas.
- “Se o paso de Cristóbal fernández foi un impulso educativo para Lalín, agardamos que a actividade de Román Rodríguez tamén se note”
A
situación actual do emprego en Lalín é realmente preocupante ,
unha das súas causas mais claras é o déficit formativo de moitos
traballadores, nun Concello que antes da crise bastante menos de 800
parados pero que hoxe xa anda polos 1900. Cun sector industrial que
acumula despidos e no que a situación na nosa vila non mellora
Casares ten o convencimento de que “nunha FP de calidade está unha
boa parte do futuro da xuventude lalinense”. “Na Formación
profesional regrada e na actualmente denominada Formación para o
Emprego (chamada antes Ocupacional e Contínua) está a chave para a
empregabilidade actual e futura” afirma o socialista
Os
Centros Integrados de Formación Profesional (CIFP) son centros de
formación creados no ano 2005 por Real Decreto e que teñen por
obxectivo, non so impartir as ofertas formativas da formación
profesional regrada (a que imparten xa os actuais centros de
Formación Profesional), se non tamén deseñar ofertas formativas
que capacitan para o desempeño cualificado das distintas
profesións, accións de inserción e reinserción laboral dos
traballadores/as, e tamén as de formación permanente dirixidas á
poboación ocupada para mellorar as súas condicións de
empregabilidade.
Pero
ademais de toda esta oferta formativa, aínda teñen outras funcións
básicas tamén de vital importancia para a formación e o emprego
como son:
-Desenvolver
vínculos co sistema productivo do entorno nos seguintes
ámbitos:formación do persoal docente, formación de alumnos nos
centros de traballo e colaborar na detección das necesidades de
cualificación e no desenvolvemento da formación permanente dos
traballadores.
-Participar
nos procedementos de avaliación e, no seu caso facer a proposta de
acreditación oficial das competencias profesionais adquiridas polas
persoas a través da súa experiencia laboral ou de vías non formais
de formación.
-Impulsar
e levar a cabo accións e proxectos de innovación e desenvolvemento
en colaboración coas empresas do entorno e os interlocutores
sociais.
Colaborar
cos Centros de referencia nacional, Observatorios das profesións e
ocupacións, Institutos de cualificacións e outras entidades no
análise da evolución do emprego e dos cambios tecnolóxicos e
organizativos que se produzan no sistema productivo do seu entorno.
Na actualidade na
provincia de Pontevedra existen 4 CIFPs (os que puxo en marcha a
anterior administración educativa), sen que a actual administración
crease ningún mais: 1 en Pontevedra, 2 en Vigo e 1 en Ponteareas
polo que os socialistas propoñen que “Lalín non so disfrute dun
novo IES Laxeiro se non que a formación que se ofreza aos alumnos
que pretenden continuar coa FP sexa unha formación acorde as
necesidades laborais e das empresas”
Así
os socialistas “non imos deixar pasar a oportunidade de que Román
Rodríguez é conselleiro para pedir que se faga un novo Laxeiro e
que ademais este sexa un centro de referencia educativo” e afirman
que “levaremos este asunto a Pleno en forma de moción para que nos
poñamos todos dacordo para que a Xunta empece a trabalalr neste
horizonte e sexa unha realidade canto antes”
No hay comentarios:
Publicar un comentario