- “Levantouse media vila para substituír a Gas Natural Fenosa por Repsol” sinalan os socialistas.
- Entende que “as empresas teñen que garantir que se cumpren as ofertas feitas aos lalinenses”.
“Por
un lado é unha boa nova ,pois é a sinatura dun armisticio e o
centro de Lalín deixará de ser un campo de batalla” así
significaba González Casares o acordo ao que chegaron as
concesionarias Gas Natural e Repsol para distribuír calor polas
casas de Lalín.
Segundo
Casares “o acordo desmonta esa falacia de Crespo sobre a
competencia, aquelo de que animara a vir a Gas Natural a Lalín para
que ao haber 2 empresas os lalinenses aforrariamos moito, pero agora
vese que a intención final era que so unha permanecera” e lamenta
que para iso “houbo que levantar medio Lalín despois de que xa se
levantara polo mesmo hai algo mais de dez anos, no que claramente se
demostra que foron obras feitas durante unha negociación encuberta”.
“Levantouse
media vila simplemente para substituír a
Gas
Natural Fenosa por Repsol, se tiveran chegado antes a un entendemento
resultaría mais sinxelo e menos molesto para todos os lalinenses,
pero o certo é que o alcalde converteuse en negociador dunha das
empresas” denuncian os socialistas.
No
plano da atención aos consumidores os socialistas reclaman “que se
manteñan as ofertas feitas aos veciños e veciñas de Lalín “
pois na guerra comercial entre as dúas empresas fixéronse promesas
que os socialistas esperan que non se vexan incumpridas e tamén
agardan “unha información minuciosa ,pois forzosamente os clientes
de Repsol pasarán nun tempo a ser clientes de Gas Natural”.
No hay comentarios:
Publicar un comentario