O PARTIDO SOCIALISTA ESIXE QUE SE SUSPENDA A LICITACIÓN DO LALÍN PARK

·        González Casares alega que “faltando unicamente dous meses para as eleccións non se debería licitar unha obra deste calado”.

·        Os socialistas propoñen o arreglo dos parques xa existestes e apostan polo adecentamento e a ampliación da zona de xogos do parque da Praza da Vila.

 A Agrupación Municipal Socialista de Lalín solicita que se leve a cabo a suspensión da licitación do proxecto “Lalín Park”, promulgado por Crespo e presentado onte no museo Ramón Aller, que suporá un investimento de 100.000 euros para a súa primeira fase. Os socialistas consideran que a inversión, ademais de ser “innecesaria”, é “unha auténtica barbaridade, pois polo que se ve Crespo ten pensado gastar aínda moito máis”. González Casares apuntou que a licitación non debe de executarse por faltar unicamente dous meses para as próximas eleccións municipais”. O candidato do PSdeG-PSOE á alcaldía do municipio, sinalou neste sentido que “ante a proximidade das eleccións, o alcalde non debería proxectar obras de semellante calado” e matizou que “se puidemos aguantar 25 anos sin un parque destas características ben poderemos esperar polo menos ata o paso dos comicios, deixándolle o poder de decidir á próxima corporación, que de ser socialista, non proseguirá con semellante desvario megalómano”.

 Os socialistas lalinenses xa demandaran con anterioridade a paralización do proxecto e volvéronlle recordar a Xosé Crespo que “se debería preocupar por coidar e manter en bo estado os parques existentes, xa que están totalmente abandonados, antes de plantexarse novos investimentos”. González Casares  sinalou que a proposta socialista “está enfocada ao arranxo e adecentamento dos lugares de ocio infantil que xa hai en Lalín, apostando especialmente polo amaño e o aumento do espazo da zona de xogos do parque da Praza da Vila”.

 Asimesmo dende o Partido Socialista de Lalín mostraron o seu respaldo á proposición presentada recentemente por Rafael Cuiña, de Compromiso por Galicia (CxG), na que tamén participará o Bloque  Nacionalista Galego (BNG), consistente na recadación de sinaturas entre a cidadanía para que os fondos dedicados ao Parque do Cocido se destinen a iniciativas sociais.