O PSdeG-PSOE DE LALÍN CONSIDERA QUE “XA ESTÁ BEN DE QUE FENOSA TOME O PELO AOS LALINENSES”

-        Reclaman novamente ao alcalde que se poña de lado dos veciños “pois está tan de prefil que nin se ve neste asunto”.

-          Entenden que a eléctrica debera ter en conta nos seus recibos o dano causado.

 O Sº Xeral dos socialistas lalinenses Nicolás González Casares reclamoulle por segunda vez  ao alcalde lalinense que “se poña xa do lado dos veciños e non siga de perfil que non se lle ve nestes asuntos” .O socialista lalinense afirma que “Crespo parece mais un axente comercial da empresa que o alcalde que debe defender aos veciños de Lalín destes abusos”.

 Os socialistas lalinenses fixeron estas declaracións tras os novos cortes de luz en Doade e Vilanova que se suman aos xa padecidos ata en tres ocasións polos veciños de Lebozán e Vilatuxe. Dende o PSdeG-PSOE afirman que “a eléctrica tómanos a todos por tontos e hai que poñerlle fin a esto que é unha auténtica tomadura de pelo”.

 Os socialistas lembran con ironía como “Gas Natural Fenosa di que coida os nosos bosques mentras deixa á xente a escuras e tala os nosos bosques” e ante esta situación “o alcalde de Lalín ni esta nin se lle espera”. Os socialistas afirman que no vindeiro Pleno este asunto será levado para o seu debate e que “de verdade se faga algo pois a sensación na xente é que a empresa pasa por riba de nos pero mentras pode facer o que queira levantando as nosas rúas”.

 Deste xeito os socialistas entenden que a compañía eléctrica está “saltándose os compromisos de calidade e vulnerando o contrato que teñen asinado cos veciños, polo que debera ser tido en conta na factura da luz” e alertan de que “esperamos que todos estes apagóns non sexan manobras de Fenosa para xustificar unha desfeita medioambiental”.

 PARKING

 Noutra orde de cousas os socialistas afirman que “o sainete do Parking estase debatindo nos tribunais e a verdade que hai motivos para a preocupación” e esperan “sinceiramente que se resolva favorablemente para o Concello se non sería unha desfeita de proporcións inigualables”. Ademais os socialistas lembran a barbaridade de cartos xa gastada neste asunto “hai poucos días tivemos noticias doutros 20 mil euros dedicados a cuestións xudiciais relativas ao peche do Parking, que se suman ao millón longo de euros xa liquidado”.

 Finalmente os socialistas avisan ao alcalde : “ se o Concello sae condenado a pagar 6 millóns de euros, todos os edís populares empezando polo alcalde se teñen que ir as súas casas e pedir perdón aos lalinenses, das responsabilidades patrimoniais xa as levaremos ao xuzgado”