GONZÁLEZ CASARES AFIRMA QUE BLANCO PREGUNTARALLE A COMISIÓN EUROPEA POLA SITUACIÓN DA LIÑA DE CASAS VELLAS

 

-        O eurodiputado socialista demanda coñecer se a UE financia a liña e se cumpre as directrices medioambientais europeas.

-         Os socialistas lalinenses completan así a ofensiva institucional por Casas Vellas : Lalín,Santiago, Madrid e Bruxelas.

 O Sº Xeral dos socialistas lalinenses avanzou hoxe as preguntas que o eurodiputado galego José Blanco fará no Europarlamento en relación coa LAT que pode rematar coa Fraga de Casas Vellas.

 González Casares sinala que Blanco vai preguntar “se a liña recibeu ou vai recibir algún fondo da UE para a súa construción” e vai mais aló pois tamén preguntará se fose afirmativa esta pregunta se a Comisión Europea considera compatible ese finaciamento coa conservación ambiental ou se coa construción desa liña non se estará vulnerando a normativa medioambiental europea.

 Os socialistas consideran que estas accións no Parlamento Europeo son necesarias por dous aspectos “axudan a que se coñeza a problemática en ámbitos de gran importancia e cuestiona as políticas medioambientais que as eléctricas están levando a cabo en territorio da UE” pero dende o PSOE local lembran que “o mais importante para parar a liña estámolo xogando na casa: Concello, Fenosa e Xunta”.

 Dende o PSOE local afirman que deste xeito se van completando pasos na ofensiva política para salvar Casas Novas sinalando que “fumos o primeiro grupo político que denunciou a situación no Concello de Lalín e agora levámolo a Santiago,Madrid e Bruxelas como un traballo que so busca colaborar modestamente coas accións da Plataforma, veciños e os demais grupos políticos que se uniron a esta causa xusta”.