O PSOE DENUNCIA A PRECARIEDADE LABORAL NOS NOVOS CONTRATOS DO CONCELLO

-      “É unha vergoña para unha institución como o Concello de Lalín ofertar contratos por 361 euros ao mes con extras xa incluidas” denuncia González Casares.

-      “O Lalín Arena non se pode manter en base a precariedade da xente que traballa” afirman os socialistas.

 O Sº Xeral dos socialistas lalinenses denunciou hoxe “a noxenta e paupérrima precariedade laboral que se está estimulando no Concello de Lalín”. En concreto o representante socialistas referíase á recente selección de persoal realizada para diferentes postos de varias categorías  no Lalín Arena

 Dende o PSOE ven lamentable que o propio alcalde asine procesos selectivos onde se ofertan contratos de recepcionista de “2 meses de duración prorrogables, de 17 horas semanais ,traballando fins de semana e cobrando 361,25 brutos coas pagas extras incluídas, probablemente líquido ese soldo difícilmente alcance os 300 euros”. Así González Casares cualifica estas ofertas de “política de promoción da pobreza, pois onde vai un traballador con apenas 300 euros ao mes, esta é a recuperación que nos promete o PP e que mesmo a está a levar a institucións públicas como o Concello de Lalín”.

 Os socialistas denuncian ademais que nese proceso de selección de persoal ofértanse outros postos non menos precarios de monitor ou limpiadora , todos eles por dous meses, a tempo parcial e “con baixos salarios con pagas extras xa prorrateadas”. “Non sabemos como ao Goberno Local non lle cae a cara de vergoña pois están fomentando os minijobs, a imposibilidade dun desenvolvemento persoal en definitiva a degradación do traballo”.

 Por outra banda os socialistas inciden en que “para comprar o Lalín Arena a unha empresa de fora Crespo dispuxo que se lle pagara a unha empresa de fora 8 millóns de euros por un edificio cheo de deficiencias que un ano despois da compra aínda están por solucionar” e contrastan con que “para contratar a xente traballadora sexa tan rácano e impida que os traballadores teñen uns salarios dignos”.

 Finalmente González Casares reclama “que non se intente buscar o equilibrio do Lalín Arena en base a explotar aos traballadores e traballadoras, pois ao final esaspolíticas resultan sendo mais caras ademais dunha vergoña para unha institución como o Concello de Lalín que ten que velar pola dignidade das persoas”.