“O PP DEICOU CLARO QUE A CULPA DA PEAXE É DO PROPIO PP” AFIRMAN OS SOCIALISTAS TRAS AS DECLARACIÓNS DO GOBERNO LOCAL

-        Os socialistas cren que as declaracións recentes contra José Cuiña “evidencian que Crespo e o seu equipo apodrecen”

-         González Aller lembra “que non é a primeira vez que mentan mortos familiares da oposición para atacar aos rivais políticos”

 Os socialistas lalinenses non saían hoxe do seu asombro ante as declaracións que onte se verqían dende o Goberno Local cualificando a José Cuíña como responsable da elevevada peaxe da AP-53. “Parece que no PP atoparon aos responsables de que os lalinenses pagamos a peaxe mais cara de España e recoñecerono clramente : os gobernos do PP” sinalaba González Aller ,voceiro socialista.

 Así os socialistas lamentan “o deplorable estilo utilizado para cargar contra un dos seus” pero que non soluciona nada “pois a promesa da rebaixa da peaxe está realizada por Feijóo e por Crespo dende hai mais de 5 anos e non conseguiron nada malia ter o poder no Concello,Xunta e Estado, son realmente uns inútiles para conseguilo”.

 Por outra banda o voceiro socialista afirmou “que as declaracións que se poñen en boca de Antonio Rodríguez pero que non dubidamos que  serán compartidas polo alcalde son unha demostración de que o Goberno Local apodrece, é putrefacto” e sinala que “dende logo Crespo móstrase como alguén indigno e sen memoria , xa hai tempo que dixemos que leva a palabra traidor escrita na súa fronte”.

 Finalmente González Aller lembra que “non é a primeira vez que o PP utiliza a familiares xa falecidos para atacar a membros da oposición, atacar a quen non se pode defender é indigno dun representante cidadán “ en relación as veces que Crespo tamén lembrou ao pai falecido do voceiro socialista ,antigo alcalde de Lalín