-
González Aller denuncia que so “podemos
facer unha primeira avaliación dos mesmos pois agochan os datos todo o que
poden”.
-
Afirman que “o pago das débedas previas
supoñen cerca do dobre do investimento real”.
Os socialistas lalinenses fixeron
hoxe unha primeira avalación dos orzamentos “en gran medida polo publicado pola
prensa, pois presentan os orzamentos aos medios e agochanos aos edís da
oposición e so coa nosa insistencia conseguimos hoxe a tarde unha copia que
aínda non se pode avaliar con profundidade ,facendo así gala o Goberno Local da
súa falta de transparencia habitual”.
Para os socialistas nesa primeira avaliación
so hai algo que resulta evidente “que se dan as costas aos principais problemas
da nosa vila, cun crecimento esaxerado da desigualdade ,necesidades sociais
urxentes, loitar contra o problema demográfico e fundamentalmente a loita co
desemprego”. Segundo o voceiro socialista “son os orzamentos dun goberno sen
unha soa idea para loitar contra a crise”.
González Aller lamenta que desta primeira
avaliación so saia en primeira instancia “ que a megalomanía de Crespo segue
lastrando as contas municipais , algo que se ve perfectamente nestes orzamentos
“ e relata como tan so “un 5% dos mesmos dediícanse a este capítulo mentras
case o dobre vai para os pagos de débeda aos bancos”.
Por outra banda os socialistas afirman que “as
prioridades de investimento fan pensar no 2015 como un novo ano perdido en
desenvolvemento municipal, pois a Biblioteca xa é un proxecto iniciado e os
cartos son para completar e non sabemos ben por qué se compra agora un novo
terreo en Liñares”.
Dende o PSOE local sinalan que faremos novas
valoracións das contas pero o principal que necesita Lalín non aparece a
priori, aparte de que semella que a presión fiscal lonxe de baixar vai manterse
moi alta pois hai unha suba dos ingresos e “non veñen do aire se non de apretar
aos veciños e veciñas ed LaLín”
No hay comentarios:
Publicar un comentario