OS SOCIALISTAS PORÁN EN VALOR A SERRA DO CANDÁNA A TRAVÉS DUN PLAN DE VALORIZACIÓN

·         Nicolás González Casares considera que a Serra do Candán “é un dos maiores tesouros de Lalín que é necesario explotar respetuosamente”.

·         O proxecto xirará sobre os eixos da promoción e a conservación, contando cos veciños “ xa que teñen que percibir as vantaxes de vivir na Rede Natura”.

·         Levaranse a cabo tarefas de sinalización, estableceranse roteiros e darase a coñercer a parte patrimonial da Serra, entre outras medidas.

 O Partido Socilista de Lalín fai unha firme aposta polo turismo activo e mediambintal, tendo en conta a enorme riqueza natural que alberga o municipio. Así, unha das propostas que recolle o programa electoral do PSdeG-PSOE de Lalín neste eido é a promoción e posta en valor da Serra do Candán, “a gran serra interior da provincia de Pontevedra”, de modo que se comece a atraer o turismo a este enclave “de enorme potencial natural e paisaxístico” e dos “maiores tesouros que esconde o concello de Lalín”, sinalou o candidato á Alcaldía, Nicolás González Casares. O socialista defendeu a posta en valor deste territorio considerando que o actual Goberno Local “enche a boca falando de turismo, pero esquécese de aportar cousas novas”.

  O Sercretario Xeral dos Socialistas de Galicia, Xosé Ramón Gómez Besteiro, que atesoura unha grande experiencia en proxectos deste tipo, por ter executado plans similares na Serra dos Ancares, visitou recentemente a zona, acompañado de González Casares e do número 3 da candidatura, Xosé Manuel Hermida. O lider do PSdeG-PSOE aconsellou aos candidatos locais aportando diferentes directrices sobre as que a se integrará o proxecto.

 Deste xeito, o  denominado Plan Candán xirará en torno aos eixos da promoción e da conservación.  En primeiro lugar, xa que nin o Candán nin a zona de Vilatuxe están correctamente sinalizadas, levaranse a cabo tarefas de sinalización, de modo que en todas as estradas que cruzan o concello, (AP53, N-525, N-630...), se dispoñan carteis axeitados e visibles que indiquen a localización da serra e poidan atraer visitantes. Tal e como apuntou o cabeza de lista dos socialistas de Lalín, “a falta de paneis indicativos que sinalicen correctamente os montes do Candán é un dos maiores atrancos cos que se atopan os turistas”.

 Por outro lado, o socialista aclarou que “vivir nun espazo da Rede Natura ten que ser unha vantaxe e unha oportunidade para os veciños e non converterse nun obstáculo”. Neste senso subliñou que “se aproveitará a pertenza da serra a este sistema de conservación para facer do Candán un núcleo de atracción turística que poidan aproveitar os habitantes do entorno para mellorar a súa calidade de vida”.

Para executar o proxecto traballarase conxuntamente coas asociacións de parroquias como Viatuxe, Lebozán ou Zobra. Entre outras actuacións enmarcadas no Plan Candán incluirase a posta en marcha dun Centro de Información en Vilatuxe, onde se comuniquen as posibilidades que ofrece o entorno. Así mesmo, e de xeito colaborativo con veciños e propietarios da zona, levarase a cabo un proxecto medioambiental a máis longo prazo que fomente a conservación e a ampliación dos bosques autóctonos, mediante as tarefas de mantemento adecuadas nos perímetros boscosos.

 Tamén se coidarán e dinamizarán as rutas existentes e sinalizaranse novos sendeiros e camiños, levando a cabo itinerarios en GPS para os sendeiristas ou ciclistas de montaña. O proxecto non se esquece da parte patrimonial que ten a Serra do Candán. Neste ámbito fomentarase a conservación e promoción de construccións tan carácterísticas como as alvarizas, establecendo sinalizacións e elementos explicativos e podendo incluso facer que o conxunto de alvarizs do Candán -un dos máis importantes e descoñecidos da Península- se declare Ben de Interese Cultural (BIT).