OS SOCIALISTAS RESPROCHAN QUE ANA PASTOR NON FALASE DA AP-53 NA SÚA VISITA DE CAMPAÑA A LALÍN

·         Casares cargou contra Crespo por non acordarse dos verdadeiros problemas dos cidadáns e dedicarse a vender fume.

 O Secretario Xeral dos socialistas de Lalín e candidato á Alcaldía, Nicolás González Casares, criticou a actitude da Ministra de Fomento Ana pastor na súa visita a Lalín para intervir no mitin central do Partido Popular. Casares calificou de “vergoñento” que Pastor veña a Lalín “e non se acorde de falar da problemática da peaxe da AP-53”.

 O Partido Socialista de Lalín leva demandando, dende a súa apertura, unha solución ao prohibitivo prezo da peaxe da autopista que une Ourense con Santiago sen que os diferentes gobernos do PP, tanto local como autonómico ou central, actúen con dilixencia  para porlle solución ao seu desmesurado prezo, que  supón unha estafa aos cidadáns e resta capacidade produtiva á zona. González Casares censurou á Ministra por “nin sequera citar o tema durante a súa intervención” e cargou contra Crespo indicando que “como se pode comprobar os verdadeiros problemas dos veciños lle importan pouco e a rebaixa da autopista non é para el unha prioridade porque prefire dedicarse e a vender fume desviando a atención en cuestións e proxectos absurdos e inconcebibles”