·
González
Casares recrimínalle ao edil de obras que “cos miles de euros que se gastaron
en estudos arqueolóxicos con Depodeza, non se fixese un estudo profundo da zona
da igrexa de Donramiro”
O Partido Socialista de Lalín presentou
recentemente un proxecto de construcción dunha rotonda na confluencia das
avenidas Madrid e Xosé Cuíña coa que se pretende aumentar a seguridade tanto de
conductores como de peóns nunha das interseccións urbanas con máis tránsito.
Tras facer público o proxecto, o edil de Obras, Camilo González Bodaño,
asegurou que dito proxecto xa estaba contemplado nun planeamento urbanístico
pero que se agardaba a levalo a cabo debido a falta de presuposto. Neste
sentido, o candidato do Partido Socialista á Alcaldía de Lalín, Nicolás
Gonzalez Casares respostou que, “aínda que a glorieta estea proxectada non se
fixo e non se pode esperar quen sabe cantos anos a que se desenvolva na zona un
plan urbanístico, porque a tardanza demostra o pouco interés que dende o
Concello poñen na seguridade cidadá”. Deste xeito, González Casares fixo
fincapé en que a rotonda será executada polo partido socialista, como un
proxecto moi necesario para a seguridade vial dos lalinenses.
Por
outro lado, no que respecta á mellora da pista de acceso que vai dende a circunvalación
ata a igrexa parroquial de Donramiro, e que patrimonio impide desenvolver,
González Casares recordoulle a Bodaño que “xa que se gastaron miles de euros en
estudos arqueolóxicos con Depodeza, se puideron aproveitar para estudar a zona
de Donramiro en detalle”.
No hay comentarios:
Publicar un comentario