·
“Os frecuentes fallos no suministro eléctrico
demostran o abandono que Crespo e o seu equipo fan dos servizos da rede
pública” apuntou González Casares.
·
Os socialistas esixen a inmediata solución aos
cortes no alumeado que afectan ao Campo da Feira, a Cidade Xardín e a
diferentes treitos da circunvalación.
Os
veciños e veciñas do casco urbán
lalinense levan semanas queixándose das continuas deficiencias que sofre o
alumeado público en diferentes espazos da vila. A Agrupación Municipal
Socialista de Lalín recolleu nos últimos días as denuncias de varios
particulares que se mostraron cansos de que as súas rúas queden a escuras cada
noite, coa incomodidade e a sensación de abandono que isto provoca.
O candidato dos Socialistas nas próximas eleccións, Noicolás González
Casares, recordou como a falta de luz é un problema que se perpetúa no tempo
“sen que o Concello poña interés algún en tratar de solucionalo”, mostrando
así, segundo indicou, “unha incomprensible falta de responsabilidade coa cidadanía”. Tal e como sinalou González Casares, “o Campo da
Feira Vello, Cidade Xardín e varios treitos da circunvalación están quedando
noite tras noite a escuras, aínda que
estas deficiencias se repiten tamén noutros sitios de Lalín”. Para o socialista estes cortes no alumeado público denotan “o
abandono no mantemento que o goberno do Partido Popular fai da rede pública”.
Como exemplo destacou que no último mes, o Campo da Feira permaneceu sen
alumear máis de tres noites, mentras que en Cidade Xardín levan varios días a
escuras.
Dende o Partido Socialista de Lalín, esíxenlle
a Crespo e ao Goberno Municipal que poñan fin de xeito inmediato aos fallos no
suministro eléctrico dos puntos da vila afectados. Para o candidato socialista a realidade é que
, “o concepto que Crespo e o seu equipo
teñen dos servizos públicos é o de manter
toda a vila abandonada mentras
invirten cartos en proxectos que nin lle interesan nin lle repercuten ningún beneficio aos cidadáns”.
No hay comentarios:
Publicar un comentario