·
“Crespo ignorou durante os últimos anos as
peticións do Partido Socialista para mellorar a accesibilidade en varios
edificios públicos, mentras gastou cartos en proxectos inverosómiles”, recordou
González Casares.
·
O
candidato dos socialistas á Alcaldía acusou a Crespo de falta de empatía e
recriminoulle a utilización de funcionarios públicos na súa campaña electoral.
O
candidato do PP á Alcaldía, José Crespo, protagonizou onte unha esperpéntica
escena que causou unha profunda indiganación entre a xente de Lalín e que
quedará na retina dos veciños por moito tempo debido ao denigrante da
situación. Crespo, aconsellado malamente por compañeiros seus, paseouse por
Lalín, xunto co número 3 da lista, Salvador González, sentado nunha cadeira de
rodas para comprobar, segundo explicou, as dificultades ás que os
discapacitados teñen que enfrontarse no seu día a día. O candidato
socialista á Alcaldía, Nicolas González
Casares, ao igual que gran número de cidadáns que xa expresaron o seu
descontento, calificou a acción de Crespo como “lamentable e vergoñenta,
significando mesmo unha falta de respeto para as persoas discapacitadas,
por ignoralas durante toda a lexislatura
e acordarse agora de facer este paripé”.
González Casares insistíu en que Crespo se
equivocou e “puido evitar este indignante e populista paseo”, xa que tal e como
explicou,“leva 25 anos esquecéndose das persoas con discapacidade e aparece
agora, en plena campaña electoral, protagonizando este lamentable espectáculo”.
O alcaldable socialista recordou como a súa agrupación vén pedindo nas últimas
lexislaturas melloras na accesibilidade de edificios como o Museo Municipal ou
a Oficina Agraria, respostando Crespo que “se fará cando se poida”. González
Casares recriminoulle ao rexedor que mentras as necesidades das persoas con
dicicultades de mobilidade eran desatendidas, “se gastaron cartos no Arena, na
piscina nova, no porco lalaiano ou en varios cocidos oficiais, deixando
incontables lugares de Lalín cunha nefasta accesibilidade”. O tamén Secretario
Xeral dos Socialistas de Lalín acusou a Crespo dunha “absoluta falta de
empatía” e reclamoulle “que se quere coñecer de verdade os problemas da xente
se pare a escoitala, algo ao que está moi pouco acostumado”, apuntou.
Por outra parte, Nicolás González Casares
tamén denunciou a utilización por parte de Crespo de funcionarios municipais
“que onte o acompañaron e que pagamos entre todos os cidadáns, para a súa
campaña electoral”.
No hay comentarios:
Publicar un comentario