OS SOCIALISTAS CONSIDERAN “VERGOÑENTO” QUE DENDE A DEPUTACIÓN SE DIGA QUE AS EMPRESAS DE LALÍN NON TEÑEN CAPACIDADE PARA DESENVOLVER OS CONTRATOS DE DEPODEZA

·        Dos máis de 1,5 millóns de euros asignados a contratos menores e sen publicidade, só o 200 mil repercutiron en empresas locais.

·        Dos 51 convenios firmados deste tipo, unicamente 8 foron desenvolvidos por entidades de Lalín e da zona.

 O candidato do Partido Socialista á Alcaldía de Lalín, Nicolás González Casares, acusou ao Partido Popular e á Deputación de Pontevedra de mentir, cando alegan que en Lalín e na Comarca do Deza non existen empresas especializadas ou coas tecnoloxías precisas para poder desenvolver os contratos requeridos por Depodeza no ámbito audiovisual, de  asesoramento, de  publicidade etc. O socialista calificou como “vergoñento” o argumento empregado pola Administración Pública Provincial e sinalou que “como están demostrando, o PP non cre en Lalín, ao contrario que o Partido Socialista que cree firmemente en Lalín e nas posibilidades do concello”. Así mesmo, González Casares indicou que “non acabamos de entender por qué lles molesta que a xente sepa a forma na que se gastan os cartos”.

 Como vén destapando o Partido Socialista de Lalín nos últimos días, o despilfarro e dilapidación de fondos públicos en Depodeza ascendeu a 5,6 millóns de euros. Este gasto, como agora se comproba non repercutíu en ningún beneficio para a cidadanía, que na súa maioría nin sequera coñece o proxecto nin os obxetivos que perseguía e non se cumpriron. Pero volvendo ao pouco que se contou coas empresas locais para levar a cabo o proxecto, xa que segundo o propio alcalde José Crespo e os seus compañeiros da Deputación non tiñan a capacidade nin as tecnoloxías suficientes, podemos comprobar como dos 1.524.309,29 euros destinados a contratos menores e contratos sen publicidade, soamente 206.549,06 se destinaron a entidades Lalinenses ou da comarca. Isto significa que unicamente o 13,5% do presuposto asignado para este tipo de contratos foi invertido en sociedades lalinenses e comarcais, entre as que figuran Gadepu, Prosem, Catering Cabanas, AED e Fundación Semana Verde. O pouco que a Deputación tivo en consideración ao concello reflíctese tamén no número de contratos menores e se publicidade asignados, pois de 51 firmados deste tipo, só 8 foron asinados polas empresas da zona, o que significa un 15,6%.

 González Casares indicou tamén, ao respecto dos honorarios cobrados polo ex-concellerio e coordinador do plan, Ramiro Ruibal, que “lle foron asigados a recursos humanos 360.000 euros en 3 anos para repartir entre 3 persoas, polo que non cremos que o seu salario se quedase en 1699 euros netos, senón que consideramos que superou os 3.000 euros brutos ao mes”.