·
Trátase
dun programa plural no que participaron 200 persoas e que toca cada un dos
puntos necesarios para cambiar a deriva na que o PP mantén ao concello de
Lalín.
·
As
propostas de índole social e emprego teñen un remarcado protagonismo, pero
tamén destacan as medidas de transparencia, medio rural, urbanismo ou facenda
pública.
·
González
Casares remarcou a “demostrada solvencia que vén demostrando o Partido
Socialista, aportando agora un programa eficaz, completo e que foxe da
megalomanía”.
O Partido Socialista de Lalín presenta o seu
programa electoral definitivo. Un
programa de 207 propostas por Lalín que o Candidato á Alcaldía, Nicolás
González Casares definíu como “un auténtico programa de goberno e un compromiso
firmado cos cidadáns para a próxima lexislatura”.
O proxecto socialista móstrase completo,
ambicioso e integral. Trátase dun programa claramente marcado pola
participación, xa que na súa elaboración formaron parte unhas 200 persoas “que
aportaron cada unha o seu gran de area para conseguir facer un programa plural
pensado por e para Lalín”, sinalou González Casares. As propostas presentadas
polo partido Socialista tocan todos e cada un dos puntos necesarios para cambiar
Lalín da deriva que o PP somete ao concello. Así, as proposicións de remarcada
índole social alcanzan un especial protagonismo, sendo conscientes dende o
partido de que o principal problema de Lalín é o desemprego, pero tamén o
aumento das desigualdades entre os cidadáns. Tamén é un programa que pretende
outorgarlle máis voz aos veciños no seu concello e que establece unha firme
aposta pola transparencia e por que o
Concello rinda contas ante a cidadanía. Ademáis, a proposta socialista engloba
medidas eficaces nos eidos do urbanismo, o benestar social, o medio ambiente e
o medio rural, a educación, a cultura, o deporte, a sanidade e a facenda
pública.
O
candidato dos socialistas, Nicolás González Casares remarcou a “demostrada
solvencia que vén demostrando o Partido Socialista na vida política local,
aportando agora un programa sólido, completo, eficaz e plural, ademais de
ofrecer a noso incuestionable compromiso de traballar e esforzarnos por
mellorar Lalín”. Así mesmo, o tamén Secretario Xeral dos Socialistas de Lalín
indicou que as propostas do programa electoral son “realistas, moi contidas
económicanmente e escapan da megalomanía”.
|
Algunhas das medidas máis destacadas do
programa son: a posta en marcha de orzamentos participativos, unha moratoria
para o desembarco de novas grandes superficies, ou, no ámbito do urbanismo, a
creación do Cinto Verde de Lalín e a humanización de varias zonas da vila. No
eido do emprego destacan o Plan de emprego de Lalín e o Plan Talento, que
pretenden aumentar as oportunidades dos mozos e mozas así como dos parados de
longa duración. No medio rural fomentarase a integración das cooperativas,
poranse en marcha bolsas ao emprendemento e buscarase mellorar a calidade do
servizo de internet entre moitas outras propostas. Por outra parte, farase de
Lalín o centro galego do turismo de natureza e aventura a través do proxecto
Lalín Natureza activa. En canto á facenda pública destacan a revisión dos
actuais valores catastrais, non aceptándoas nunca á alza, pois a crise en Lalín
fixo que os inmobles perderan valor. Así mesmo, faranse bonficacións máximas do
ICIO para a rehabilitación de vivendas no rural.
No hay comentarios:
Publicar un comentario