O PARTIDO SOCIALISTA CREARÁ O CINTO VERDE DE LALÍN

·        Trátase dun círculo formado por camiños e sendeiros xa existentes que rodee a vila tendo o Paseo Pontiñas como eixo central.

·        “Non se trata dunha ampliación do Pontiñas, senón de habilitar un corredor verde entre os seus extremos sen necesidade de grandes obras”, explicou González Casares.

 O Partido Socialista de Lalín ten moi claro o modelo de vila e de concello que quere para os seus cidadáns e tamén para os que no futuro vivan en Lalín. Deste xeito a aposta polo desenvolvemento dun urbanismo sustentable e respetuoso co medio ambiente marca claramente os obxetivos que neste ámbito perseguen o candidato á Alcaldía, Nicolás González Casares e o seu equipo de cara á próxima lexislatura. Así, no marco das políticas urbanísticas sostibles, o Partido Socialista propón a creación do que se denominará Cinto Verde de Lalín: un círculo conformado por camiños e sendeiros que rodeará a vila tendo o Paseo Pontiñas como eixo central.

 González Casares sinalou a necesidade de facer de Lalín un lugar atractivo para a poboación e para o desenvolvemento de actividades económicas, que poña en valor a súa riqueza ambiental e cultural e que, ao mesmo tempo, sexa sostible e eficiente.

 A creación do Cinto verde de Lalín é un proxecto pioneiro e ambicioso que tratará de facer de Lalín unha vila máis integrada no seu entorno natural e que servirá para seguir fomentando a conciencia ambiental e saudable entre a cidadanía do concello.

 Deste xeito, considerando o Paseo Pontiñas  como eixo central que atravesa a vila, pecharase un círculo que aproveite camiños e sendeiros xa establecidas, de modo que se una o extremo leste (Lago do Auditorio), co extremo noroeste (Lago de Bergazos). O roteiro terá aproximadamente uns 20 kilómetros de percorrido e, ademais, contará con ramificacións ou conexións con outros espazos como por exemplo a Fraga de Quiroga ou a Fraga de Casas Vellas. Como explicou Nicolás González Casares, “non se trata dunha ampliación nin dunha modificación do Pontiñas, senón de habilitar un corredor verde entre os extremos do parque sen a necesidade de grandes obras”.