O PARTIDO POPULAR FALA DE RESPECTAR A PROPIEDADE PRIVADA MENTRAS ARRUINA AO CONCELLO EN PLEITOS DESASTROSOS

·        González  Casares acusa ao Concello de “inutilidade na xestión” por non ser capaces de porlle solución aos problemas da Rúa X.

·        Asegura que o Goberno Municipal “pode e debe negociar cos propietarios tal e como propoñemos os socialistas no noso proxecto”.

 O candidato do Partido Socialista á Alcaldía de Lalín, Noicolás González Casares acusou ao Concello e ao Concelleiro de Obras e Servizos Municipais, Camilo Bodaño, de “inutilidade na xestión” por non ser capaces de darlle solución ao mal estado da Congotra de Lalín, alegando que ao ser de propiedade privada nada poden facer, xa que segundo explicaron, incurrirían nunha ilegalidade. O alcaldable socialista recordou que, ao contrario do que Bodaño dixo, no PSOE “sabemos perfectamente os problemas de titularidade que presenta a Congostra de Lalín, polo que aínda que o concelleiro non se enterase, nós deixamos ben claro que o noso proxecto comenzaría falando e negociando cos propietarios, algo ao que no Goberno Municipal non están acostumados”. Neste senso, o tamén Secretario Xeral dos socialistas de Lalín fixo fincapé en que O Concello “pode e debe negociar, tal e como propoñemos os socialistas”. Así mesmo, González Casares volveu incidir na deixadez que o Concello mostra ante a problemática da chamada Rúa X alegando que “non poden seguir mirando para outro lado mentras se mantén no centro de Lalín un foco de suciedade e insalubridade”.

 Por outro lado, Nicolás González Casares, criticou a actitude de Bodaño alegando “que agora falan de respectar a propiedade privada os que arruinan Lalín cun sinfín de pleitos desastrosos”, dixo en referencia a casos como o do Parking Europa, a Carballeira da Crespa ou o Paseo Pontiñas, nos que o Concello leva invertidas grandes cantidades de diñeiro público. Por  último, o candidato do PSOE volveu inicidir en que a titularidade privada da Rúa X non é excusa para manter o camiño no nefasto estado  no que se atopta e propúxolle a entrega ao Edil de Obras, Camilo Bodaño, de “un listado de camiños privados que se asfaltaron polo sinxelo feito de ser amigos del”.