GONZÁLEZ CASARES ESÍXELLE A CRESPO QUE LLES EXPLIQUE AOS VECIÑOS O ACORDO QUE TEN CO PARKING EUROPA ANTES DO 24 DE MAIO

·          “Non se pode ir votar sen que se sepa o que Crespo vai gastar no parking. Estimamos que serán 3 ou 4  millóns, pero quen o sabe é o alcalde e ten que decilo”, indicou González Casares.

 O caso do Parking Europa pasará a historia como un dos maiores desastres urbanísticos da era Crespo. Pois ademais do que custou a súa construcción e posterior remodelación e derrube para adaptarse á legalidade, o aparcadoiro suma xa 5 anos pechado, sendo un espazo perdido e inservible no centro da vila, polo que a maiores, a empresa concesionaria lle demanda ao Concello 6 millóns de euros como indemnización. Pero a ruiana do parking non remata ahí. O alcalde en funcións, Xosé Crespo, confesou recentemente nun debate electoral, preguntado polo candidato socialista á Alcaldía, Nicolás González Casares, que os plans do Goberno Municipal para o aparcadoiro pasan pola súa compra. Unha inversión que dende o partido socialista se cifra noutros 3 ou 4 millóns de euros. Por este feito e, ante as claras intencións que Crespo ten de ocultarlles aos cidadáns en período electoral esta transacción, que suporía unha importante suma para o Concello saída do peto de todos os cidadáns, esíxelle que “informe antes do 24 de maio aos veciños das intencións que ten para o futuro do Parking Europa”.

 “Non se pode ir votar sen que se sepa o que Crespo vai gastar no parking. Estimamos que serán 3 ou 4  millóns, pero quen o sabe é o alcalde”, indicou González Casares. O socialista incidíu en que “Crespo non se pode esconder e ten que dar a cara antes antes do domingo”. “¿Cales son os seus acordos segredos coa concesionaria? ¿En que consisten e canto máis se vai gastar por culpa da súa pésima xestión na cuestión do parking?”, pregúntase o alcaldable do PSdeG-PSOE. Para o socialista destinar agora máis diñeiro á compra do aparcadoiro despois de destinar xa 1 millón de euros en derrubalo e sumar 5 anos de inactividade, reflexa a “nefasta xestión de Crespo, do PP e do seu grupo de goberno nos últimos anos”. Por último, o tamén Secretario Xeral dos socialistas de Lalín insitíu en que “sería inconcebible que o alcalde non dese esxplicacións, porque esta desfeita tena que coñecer a cidadanía antes de ir votar o día 24”.