GONZÁLEZ CASARES E BESTEIRO DEFENDEN EN CERCIO O SECTOR LÁCTEO E O COOPERATIVISMO COMARCAL COMO XERADOR DE RIQUEZA NO RURAL

·        Ambos culparon ao  Partido Popular “de non preocuparse polos gandeiros” e de “provocar que centos de familias que viven do leite estean a pasar por unha situación tan compricada”.

·        Os socialistas coñeceron as instalacións e o funcionamento de Cobideza e degustaron o novo queixo producido pola cooperativa.

 O Secretario Xeral dos socialistas de Galicia visitou esta mañá xunto co candidato do mesmo partido á Alcaldía de Lalín, Nicolás González Casares, e diferentes compoñentes da candidatura, entre os que estaban Xosé Manuel Hermida, Celia Alonso, María Jesús Sánchez ou Cristobal Fernández, as instalacións da coopertativa leiteira Cobideza, afincada en Cercio. Ambos fixeron unha firme defensa do sector lácteo como motor do desenvolvemento rural e da creación de emprego e apostaron polo  cooperativismo agrario como modelo de producción que garantice o futuro do sector e do campo lalinense e galego. Así mesmo, tanto González Casares como Besteiro culparon ás políticas do Partido Popular “que non defenden aos produtores nin interveñen para garantizar uns prezos dignos”, da mala situación que están a vivir os gandeiros e gandeiras debido aos baixos prezos do producto en orixe.

 O candidato dos socialistas á Alcaldía de Lalín, Nicolás González Casares, puxo a Cobideza como exemplo de cooperativismo “que aposta pola cercanía, polos servizos, pola producción, pola transformación e pola expansión para vivir e seguir vivindo e creando riqueza do medio rural”. Neste senso destacou o “enorme potencial agrogandeiro” que ten Lalín, alegando que “non nos podemos quedar só en ser produtores, senón que tamén hai que transformar”. Para isto puxo como modelo a seguir o queixo que recentemente comezou a  producir a cooperativa de Cercio.

 Por outro lado, o tamén Secretario Xeral dos Socialistas lalinenses fixo unha contundente aposta pola integración das diferentes sociedades agrarias. Indicou ao respecto que o Partido Socialista “propón a integración das cooperativas a nivel lalinense e comarcal como modelo que reforce a capacidade negociadora dos gandeiros ante a industria” e que “poña en valor os produtos da nosa terra para que sexan competitivos noutros mercados e así poder vivir do que nós producimos e transformamos”. O socialista prometeu que dende a súa organización se traballaría por acadar estes obxetivos “ao contrario do que leva facendo todos estes anos o Partido Popular, que deixa completamente de lado aos gandeiros e só busca atomizar o sector”.