O PARTIDO SOCIALISTA E A ANPA DO LAXEIRO PIDEN MÁIS COMUNICACIÓN ENTRE O CONCELLO E OS CENTROS ESCOLARES

·         González Casares propuxo a posta en marcha dun programa anual de actividades extraescolares coordinado polo Concello.

·         A creación dun consello escolar municipal e dun banco de libros, así como o novo Laxeiro, foron aoutras das cuestións analizadas.

O candidato do Partido Socialista nas próximas eleccións municipais, Nicolás González Casares, mantivo o luns unha reunión con Miguel Muñoz e Nieves Garra, da Asociacións de Nais e Pais do IES Laxeiro. Trátase dun colectivo cunha grande inmplicación na actividade do centro, sendo ademais, a única ANPA que existe en lalín dun instituto de secundaria. Tanto os membros da ANPA que asistiron á xunta, como González Casares, coincidiron en reinvindicar un “aumento da implicación do Concello” nos asusntos que atinxen á educación e aos centros educativos, salientando a “falta de comunicación e o pouco que dende a administración local se conta coas ANPA”. 

 Outro dos asuntos que se trataron ao longo da reunión foi o da creación dun consello escolar a nivel municipal. Neste punto tamén coíncidiron ambas partes, considerando que é necesaria a súa pronta posta en funcionamento. González Casares recordou que a creación deste organismo que aglutinaría a pais, nais, profesorado, alumnado e administración, é unha das propostas educativas que o PSdeG leva solicitando nos últimos anos, sen que, polo momento, se conseguise a súa creación. Asimesmo, o candidato socialista apoiou a creación dun banco de libros a nivel municipal ou incluso comarcal, debido a que en Lalín estudan alumnos vidos de distintos concellos da comarca, que non poden ser discriminados por motivos de procendencia, como ten sucedido noutras cuestións, por exemplo, en excursións subvencionadas polo concello de Lalín ás que a mozos doutros concellos non se lles permitíu acudir.

 Por outra parte, na xunta falouse da posible creación dun novo Laxeiro. Neste sentido sinalouse que, de levarse a cabo dito proxecto, sería necesario emplazalo nun lugar axeitado, non lonxe do casco urbán, así como construilo cun evidente maior espazo físico, “non como se fixo no novo Manuel Rivero, que segue tendo problemas de espazo”.

 González Casares tamén propuxo un programa anual de actvidades extraescolares coordinadas polo Concello “que estimulen ao alumnado e que mesmo sexan recoñecidas cun título”. Falouse, por exemplo, de clases de robótica, novas tecnoloxías ou arte. Asimesmo, outras cuestións que se trataron ao longo da reunión foron a falta de espazo e a masificación nas aulas do Laxeiro, a necesidade dunha biblioteca maior no centro, a adecuación de espazos públicos fóra dos institutos para reunións de asociacións de pais e nais de alumnos, a apertura dos patios dos centros fóra de horario escolar para realizar actividades deportivas, ou o aumento nos últimos anos das conductas machistas entre o alumnado de secundaria.