- “Tendo a posibilidade de conectarse en Lalín con velocidades de ata 100 megas non é lóxico que en lugares cercanos como Bendoiro ou o polígono só existan conexións de 1 ou 2”, manifestou González Casares.
- O candidato á Alcaldía asegurou que a pouca eficiencia da banda ancha rural provoca que non se consiga fixar poboación e que se perdan veciños.
A
Agrupación Socialista de Lalín recibíu queixas nos últimos días
por parte dalgúns veciños de núcleos ruais do concello, debido á
pouca eficiencia do servizo de internet rural e demandando unha maior
velocidade de conexión. Ante esta situación, o candidato á
Alcaldía, Nicolás González Casares, coincidíu na necesidade de
renovar os plans de internet rural, incrementando a velocidade de
conexión e adaptándoos ás necesidades actuais da poboación.
González
Casares destacou que “no seu momento o programa Repoblar e o
proxecto de internet rural Wimax foron unha boa solución, mais só
permite conexións de 1 ou 2 megas, unha velocidade moi pouco eficaz,
que non cobre as esixencias actuais de gran número de usuarios”.
Neste sentido salientou a necesidade de que o rural e o núcleo
urbano manteñan a mesma calidade en servizos básicos e manifestou
que “habendo 100 megas de conexión en Lalín, non é lóxico que
en lugares cercanos como poden ser Bendoiro, ou a zona do polígono,
non se conte cunha velocidade de internet adecuada aos
requerimentos”. Asimesmo, González Casares recalcou que outro dos
inconvintes do actual proxecto de banda ancha rural era que “aínda
que permite contratar servizos de telefonía mediante o pago dun
suplemento, non permite facer o pago a través dunha mesma factura,
restando isto comodidade para os clientes”.
Por
último, Nicolás González Casares sinalou a necesaria posta en
marcha, coa maior celeridade, de novos proxectos de banda ancha que
incrementen a velocidade de conexión no rural, asegurando que de non
mellorarse os servizos, Lalín seguiría perdendo veciños. “A mala
calidade da banda ancha nos núcleos rurais provoca que moitas
persoas non poidan realizar tarefas básicas ou desenvolver traballos
adecuadamente, polo que isto non contribue a fixar poboación no
rural, senón máis ben todo o contrario”, afirmou o candidato dos
socialistas nas vindeiras eleccións.
No hay comentarios:
Publicar un comentario