- “Primeiro véndennos un edificio de Medio Rural de custes millonarios que non se fixo e agora engánannos deixando deserto o concurso de aluguer” sinalou González Casares.
- O socialista asegura que a Xunta e o Concello queren manter aos gandeiros “cuns servizos penosos”, pois “ a actual oficina agraria está vella e presenta todo tipo de deficiencias”.
A
Xunta acaba de decidir que manterá abertas as actuais oficinas de
Medio Rural, situadas na rúa Areal, tras quedar deserto o concurso
público de aluguer a través do que se buscaba dotar duhas novas
instalacións en Lalín a este servizo, que non atende só a veciños
da capital dezá, senón de toda a comarca. Tras coñecerse esta
decisión, o candidato do PSOE á Alcaldía de Lalín, Nicolás
González Casares, cargou contra a Xunta e o goberno de Crespo,
calificando esta situación de engano e fraude para a cidadadanía e
para os gandeiros.
O
socialista recordou como tras desistir a Xunta na construcción dun
edificio de Medio Rural que ía ter uns custos millonarios e que
segundo Crespo ía estar rematado no 2012, agora se desiste tamén de
alugar unhas novas dependencias. “Primeiro vendéronnos un edificio
que superaba os 1,8 millóns de euros de inversión e non se fai.
Despois de saber que non se ía construir engánannos coa posta en
marcha dun concurso de aluguer que resulta que agora queda deserto”,
sinalou. González Casares considera inaceptable esta decisión e
insta á Xunta e ao goberno local a buscar unha pronta solución
para que os gandeiros conten cunhas instalacións adecuadas ás
necesidades.
“Todo
parece indicar que o Concello e a Xunta queren seguir mantendo aos
gandeiros cuns servizos penosos na actual oficina agraria, que ten,
como é sabido, deficiencias de todo tipo e pola que ademais se está
a pagar un aluguer desorbitado”, sentenciou Nicolás González
Casares.
No hay comentarios:
Publicar un comentario