O PARTIDO SOCIALISTA APOSTA POLA RENOVACIÓN DE CARA ÁS PRÓXIMAS ELECCIÓNS MUNICIPAIS

O PARTIDO SOCIALISTA APOSTA POLA RENOVACIÓN DE CARA ÁS PRÓXIMAS ELECCIÓNS MUNICIPAIS

• Celia Alonso e Xosé Manuel Hermida serán dous dos novos candidatos da lista socialista.
• “O PSOE é capaz de ofrecer alternativas nun momento tan difícil para Lalín”, indicou González Casares.

O Partido Socialista de Lalín ten artellada unha lista electoral para os comicios do mes de maio na que a renovación será unha das súas principais características. A transformación da candidatura é evidente, comezando polo número un, o candidato á alcaldía por vez primeira, Nicolás González Casares, quen indicou que “o PSOE é capaz de ofrecer alternativas nun momento tan compricado para Lalín, un concello que necesita con urxencia un cambio de rumbo político”. Pero ademais, os primeiros postos da proposta socialista tamén terán varias caras novas con respecto á candidatura presentada no 2011. Así, dúas das apostas novidosas de González Casares para o vindeiro proceso electoral son Celia Alonso e Xosé Manuel Hermida.

Alonso é veciña da parroquia de Bendoiro. É administrativa de profesión, malia ter traballado a maior parte de sua vida profesional como celadora no Sergas. Milita no Partido Socialista e conta cunha ampla experiencia na política local, xa que foi concelleira de Parques e Xardíns e de Medio Ambiente no Concello de Pontevedra durantes 6 anos. Ademais, exerceu varios cargos no partido tanto a nivel provincial como galego. Entre outros aspectos considérase unha firme defensora da natureza e mantense involucrada na defensa da Fraga de Casas Vellas.

Pola sua parte, Hermida é natural da parroquia de Santiso, onde ainda vive. Traballa como gandeiro e rexenta xunto coa sua muller unha explotación familiar de vacún de leite. Coñece moi ben o sector agrario e as necesidades e compricacións polas que este pasa, xa que leva varios anos implicado en Unións Agrarias, sendo na actualidade Secretario de Organización Sindical dentro da executiva comarcal da organización. Asimesmo é socio da cooperativa Cobideza onde exerceu distintos cargos na xunta directiva ao longo dos últimos anos.