·
Dos 3.000 postos de traballo que se perderon neste
período, 1.000 pertencen a esta lexislatura.
·
As persoa paradas, en relación ao número de
traballadores , aumentou brutalmente nos últimos catro anos de mandato de
Crespo.
O Partido Socialista de Lalín e o seu
candidato á Alcaldía, Nicolás González Casares, denuncian nun estudo sobre o
desemprego e a inclusión laboral, o estrepitoso aumento do paro no Concello nos últimos anos de
goberno de Crespo e do Partido Popular. No documento, González Casares recorda
a contínua e prolongada desaparición de empresas que se vén producindo no
municipio dende o Comezo da crise económica, que levou consigo milleiros de
empregos, sen que o goberno local actuase para contrarrestar esta tendencia.
Na súa análise, os socialistas de Lalín toman
como exemplo o mes de febreiro , por ser un mes de desestacionalización. Así,
pódese comprobar como en dito mes do ano 2008, antes da crise, en Lalín había
858 parados. A cifra incrementouse nos tres anos seguintes en 876 desempregados,
pasando a haber 1734 no 2011. Lonxe de invertirse a tendencia, o paro seguíu
crecendo ata alcanzar no mes de febreiro do presente ano a cifra de 1772
persoas sen traballo.
Asimesmo, González Casares sinala que
paralelamente á caida do emprego se producíu un notable desplome no número de
afiliacións á Seguridade Social. Tomando de novo como referencia os datos do
mes de febreiro, pódese comprobar como no ano 2008 había un total de 9296 afiliados, pasando a ser no
2011, 7423. Pero as baixas na SS seguiron incrementándose de forma dramática nos seguintes anos, ata
chegar a ser no 2015 , unicamente 6406 afiliados. Deste xeito, como destaca o
candidato á alcaldía de Lalín, “podemos
afirmar que Lalín perdeu 3000 postos de traballo nos últimos sete anos,
dos que 1000 se destruiron na última lexislatura, deixando ao concello con
un terzo menos de empregados”.
En relación cos datos do paro e a falta de
oportunidades, os socialistas destacan o envellecemento demográfico e a perda
de poboación, que caeu drasticamente nesta lexislatura e se está a converter
nun dos principais problemas do concello. No ano 2011 en Lalín había 21277
habitantes, mentras que no 2014 apenas se superan os 20.000, o que extende
sobre o municipio a ameaza de perder a primeira categoría. González Casares
comenta ao respecto que as perspectivas sociais, laborais e demográficas están
nun momento moi complexo en Lalín e recalca que “é preciso tomar moi en serio a
situación e acometer un revulsivo que lle devolva a Lalín a actividade previa á
crise, mediante actividades audaces de
inclusión social e laboral”.
No hay comentarios:
Publicar un comentario