OS SOCIALISTAS LALINENSES PREGÚNTANSE POR CANTO TEMPO MAIS SE VAI MANTER O SERVIZO DE BICICLETAS

-      “Non se entende que gastemos 14 mil euros ao ano para non usalas e que se deterioren” sinala González Aller.

-      Pregúntanse “polo resto das bicicletas para darlle outros usos”.

-      “Entendemos que o problema do Cortizo pasa por unha boa planificación e unha reforma necesaria”

 O PSOE local manifestou hoxe que non se entende cómo se sigue mantendo o servizo de bicicletas en Lalín cando “case ninguén o usa e custa mais de 16 mil euros ao ano en mantemento do mesmo”. Segundo González Aller “este servizo resultou ser unha idea que non foi para diante e que foi usada para favorecer a xente próxima ao PP no seu tempo polo que entendemos que hoxe, tras comprobar o seu desuso é preferible prescindir del”.

 O concelleiro socialista lembra que “hai dous contratos de mantemento, un deles por mais de 14 mil euros dos que non se sabe moi ben as súas funcións porque as bicicletas sempre están ao aire libre, inverno e verán e outro por un control do sistema tecnolóxico que tampouco se rentabiliza ”.”É un servizo deficitario en mais de 15 mil euros, dixeron que en 2014 remataba e observamos con sorpresa que aínda segue”

  Tamén se preguntan dende o PSOE local polo “estado e paradeiro da outra metade das bicicletas , pois podíanse dar outros uso ,como tamén se lles pode dar outros usos as bicis eléctricas que poderían valer para controlar o Paseo do Pontiñas polos axentes muncipais dun xeito non contaminante”.

Campo de Futbol

 Por outra banda o voceiro dos socialistas considera que “o estado do Cortizo é certo que é moi malo nestes momentos e hai que buscarlle solucións a curto e longo prazo”. “O primeiro consideramos que é planificar ben o uso do terreo de xogo e os coidados que se lle van dar, pois o campo deberíase levantar mais veces entre cada tempada e agora as paga” e ademais unha solución a longo prazo que pasa por unha reforma.

 Así González Aller propón buscar unha solución que permita manter no mesmo Cortizo “un campo de herba natural ,pois é unha pena perder o histórico campo de herba do Empalme e por outro lado facer outro mais de herba sintética, deste xeito no mesmo entorno e sen necesidade de crear mais infraestruturas e diseminar os campos poderíamos gozar dunha boa solución”. E afirma que “é posible pero pasa por optimizar o espazo actual”