- “A precariedade laboral non fai atractivo o
Arena a uns traballadores que se esforzan” denuncia González Casares.
- “Estase dando unha situación anómala con
pagos por horas a persoal que non está contratado” sinalan dende o PSdeG-PSOE
local.
- “A situación é sinxela,cumprir o convenio,
se non a Inspección de Traballo” afirman os socialistas.
O PSOE de Lalín denuncia que “novamente o
tempo danos a razón e confírmase que a precariedade coa que o Concello castiga
aos traballadores do Lalín Arena provoca que moitos deles abandonen e que
incluso haxa aspirantes que renuncien á posibilidade de traballar nas
instalacións municipais”.
Nicolás González Casares ,Sº Xeral dos
socialistas lalinenses , lembra que no pasado mes de decembro alertou desta
precariedade pois o Concello ofertou postos de 361 euros ao mes con pagas
extras incluídas e cun custe da hora por traballador de 4,72 euros /hora cando
o mínimo que marca o convenio é de 6,20.
Como proban os socialistas “neste mesmo mes
prodúcese unha nova renuncia dun monitor, que se suma a varias renuncias
previas nos últimos meses o que ven a demostrar dun xeito evidente que as
condicións non permiten unha estabilidade laboral no cadro de persoal do
multiusos”.
Os socialistas fanse eco “ de queixas de
usuarios porque o persoal rota con moita frecuencia,prodúcense ausencias polas
renuncias e aumenta o descontento” e matiza que “as queixas son por estas
razóns e non porque haxa queixas contra os profesionais que desenvolven con
dedicación a súa labor no recinto”.
Ademais dende o PSOE afirman que se está dando
cando menos “unha situación de irregularidade pois se está pagando por horas a
persoal sen contrato para cubrir esas vacantes laborais nunha instalación
municipal, polo que poderíase estar incumprindo a normativa de contratacións “
e ademais eses servizos “son moi superiores por lóxica en custe por hora aos
que cobran o persoal do Lalín Arena, polo que o que se aforra apretando a uns
traballadores por un lado pérdese polo outro”.
Para Nicolás González Casares a solución é moi
simple “cumprir o convenio laboral que hai para estas instalacións e que abarca
as de caracter público ou se non non haberá outro xeito que denunciar ao
Concello de Lalín ante Inspección de Traballo”.
PREGAMOS
NON POÑER OS NOMES DOS AFECTADOS
No hay comentarios:
Publicar un comentario