-
A cifra
superará os 8000 euros finalmente pois faltan pagos aínda por realizar.
-
González
Casares lamenta o continuo despilfarro en pleitos partdidistas de Crespo.
O PSOE de Lalín desvelou hoxe o gasto
por aproximadamente 5000 euros pola disputa xudicial coa Deputación de Lugo
pola marca e logo Qm 0 que finalmente quedou en nada.
Tras a revisión da documentación polo Grupo
Municipal Socialista atopouse que os gastos por este litixio ascenderon ata
hoxe a 4905,38 euros concretamente ,a falta de sumarlle os gastos derivados da
última parte do proceso que foi o Recurso de Casación ao Tribunal Supremo que
probablemente fará ascender o custe total por un importe estimado superior aos
8000 euros.
Deste xeito confírmase que ao Goberno Local
“non lle doe tirar os cartos dos lalinenses ao lixo en pleitos inútiles e de
claro interese partidista por parte de Crespo” como afirma González Casares que
se pregunta “cómo é posible pleitear contra a Deputación de Lugo por esa marca
e non contra o Concello de Forcarei que acaba de poñer en marcha o Mes do
Cocido plaxiando o propio de Lalín” . Para o socialista a resposta é sinxela “a
Deputación de Lugo está gobernada por un socialista e Forcarei por unha
alcaldesa do seu partido”.
Este desvarío nos gastos xudiciais que se
denuncian dende o PSOE local súmase aos 60 mil euros recentemente pagados polo
Concello pola disputa coa concesionaria do Parking “o que deixa claro que en
Lalín gástase moito mais en pleitos por exemplo
que en actividades culturais ou en promoción do comercio local, deixando
claras cales son as prioridades do alcalde: o seu ego”
No hay comentarios:
Publicar un comentario