O PSDEG-PSOE DE LALÍN ASESORARÁ AOS PENSIONISTAS RETORNADOS PARA RECLAMAR AS SÚAS MULTAS ANTE FACENDA

-      Será o vindeiro xoves día 5 de febreiro dende as 16 as 20 h na Casa do Pobo.

 Os socialistas lalinenses habilitarán un día de esta semana e algún mais se é preciso para asesorar aos pensionistas retornados e que foron espoliados polo Goberno Central. A intención é “facilitarlles a estes emigrantes retornados, xente de idade normalmente, unha atención na súa vila evitando trasladarse a Pontevedra”.

 Os socialistas contarán con representantes da Plataforma de Afectados do Ulla-Umia que lle poderán informar da súa situación fiscal no relativo as sancións e e regularizar a súa situación tras a Reforma Fiscal de novembro de 2014.

 Segundo informa o Sº Xeral do PSdeG-PSOE de Lalín, Nicolás González Casares, “a asesoría realizarase o vindeiro xoves día 5 de febreiro dende as 16 as 20 h na Casa do Pobo, sede dos socialistas lalinenses situada na Rúa F nº 27, entrechán”.

 Tras a sesión realizada en Silleda recentemente “detectouse unha demanda de atención tamén en Lalín polo que consideramos moi necesario prestar apoio sen ningún compromiso a un colectivo que foi machacado polo PP .