MOCIÓN PRESENTADA NO CONCELLO DE LALÍN

Manuel Mª González Aller  concelleiro polo PSdeG-PSOE no concello de Lalín,  ao abeiro da lexislación vixente, presenta ao Pleno para o seu debate e aprobación, se procede, a seguinte

MOCIÓN

A última ponencia de valores catastrais do noso concello, data de mais de 10 anos. Daquelas atopabámonos en plena burbulla inmoviliaria, de aí que os valores acadados foran tan altos.

            A ponencia de valor catastral é un documento elaborado pola Dirección Xeral de Catastro, que inclúe os criterios, módulos de avaliación e outros elementos necesarios para levar a cabo a determinación do valor da avaliación de propiedades que están dentro do seu ámbito de aplicación.

Pode ser iniciado de oficio ou por instancia do concello , cando hai diferenzas entre os valores de mercado e valores de propiedade actual, sexa como resultado dun cambio na planificación urbana ou outras circunstancias.

            Poden ser iniciadas despois de cinco anos a partir da entrada en vigor dos valores catastrais derivados do anterior procedemento de valoración e realizarase en todo caso  aos 10 anos a partir desa data.

Os veciños de Lalín veñen sufrindo dende fai dez anos, as consecuencias dunha valoracións dos seus ben, tanto rústicos como urbanos, feita a alza en momentos de máxima especulación urbanística.

Nestes intres, a situación e totalmente distinta, os prezos desplomaronse ata facer perder un 50% o valor das propiedades, tanto rústicas, pero sobre todo as urbanas.

Dende o grupo socialista pensamos que e de xustiza solicitar unha nova ponencia de valores, revisando a baixa o valor catastral dos bens inmobles do concello de Lalin.

Por todo isto, o Grupo Municipal Socialista propón ó Pleno a adopción dos seguintes ACORDOS:

-       Solicitar a dirección xeral do catastro unha nova ponencia de valores, que se adapte a situación socio económica actual do noso concello.