-
“Ao lado
dunha gardería e dun parque infantil o valado do lago está desfeito e sen
sinalizar, é unha irresponsabilidade” afirma o candidato socialista.
-
“Segue o
Paseo sen un mantemento axeitado, non so é facer obras” afirma o socialista.
O candidato dos socialistas
lalinenses Nicolás González Casares denunciou hoxe o mal estado do entorno da
parte superior do Paseo do Pontiñas pero en lugar de focalizar a súa protesta
en todo o entorno optou por resaltar a irresponsabilidade do grupo de goberno
nunha zona perigosa.
Así Casares afirma que a parte superior do
Paseo tamén mostra múltiples deficiencias no firme , en arbores con polas
caídas ou que entorpecen ao paseante pero principalmente sinala o perigo que se
detecta arredor do Lago con amplas zonas do valado danadas e que levan xa moito
tempo sen ningún tipo de arranxo.
O socialista cualifica como unha
irresponsabilidade o feito de que unha desas zonas de valado que nin tan
sequera ten unha cinta que o sinalice estea “pegado a un parque infantil e a
menos de 50 m dunha gardería co conseguinte risco para calquera viandante pero
principalmente aos rapaces que poidan pasear cos seus pais e haxa un despiste”
e lembra que “hai moi malas lembranzas con accidentes nese lago polo que non se
entende que o Concello non repoña ese valado de xeito inmediato”.
Os socialistas lamentan que mentres dende o
Concello se vende unha obra de reparación do Paseo , continúa sen un mantemento
axeitado e as deficiencias van aparecendo aos poucos sen que haxa un Plan de
Mantemento regrado para esta infraestrutura esencial para a vila de Lalín.
No hay comentarios:
Publicar un comentario