CASARES AFIRMA QUE “MENTRAS CRESPO GASTA FORZAS NO SEU CONSELLO ASESOR O PARO SUBE EN LALÍN”

-      “Crespo é un visionario dixital: coloca a dedo aos traballadores,aos pedáneos e agora conselleiros” denuncia o líder socialista.

-      “Respectamos aos elixidos por Crespo,pero respectamos mais aos elixidos polo pobo de Lalín” afirman dende o PSdeG-PSOE.

 O candidato socialista Nicolás González Casares valorou que a formación do consello asesor de Crespo”é unha cortiña de fume para non falar dos graves problemas de Lalín o da recente subida do paro”. Así o socialista denuncia que “resulta curioso que despois de anuncialo hai meses elixa o día que se comunica un pésimo dato do desemprego en Lalín faga esta reunión inicial”.

 “Mentres Crespo formaba ese consello en Lalín medraban os desempregados e en lugar de tratar ese tema primordial para os lalinenses alí falábase da axenda de Crespo : facer un Parque do Cocido” sinalan os socialistas.”Non me extraña que non se tocara o tema do desemprego pois dos alí reunidos algúns puxeron a moita xente na rúa recentemente, entre parados ou empresarios, elixiu a estes últimos”.

 Así Casares ironizaba que “Crespo é un visionario dixital dende antes de ter Facebook: os traballadores municipais, os pedáneos , comendadores e agora conselleiros elíxense a dedo” reafirmando que “por moito que se disfrace ao chegar o Antroido Crespo practica o despotismo político.

 Finalmente González Casares afirma que “respectamos a todos os elixidos, a algúns mais que a outros, pois nese consello hai xente de moito valor para nos, pero consideramos que a representación do Pobo de Lalín está no Pleno do Concello elixido democraticamente e curiosamente alí evita comparecer para falar dos temas que lle importan aos lalinenses”