O PSDEG-PSOE DE LALÍN DEMANDA UNHA REBAIXA DO PREZO DAS MULTAS DA ZONA AZUL

• Revelan que recentemente “se recoñeceron mais de 14.000 euros en sancións nun período de pouco mais dun mes”
• Instan a demostrar que non hai un afán recadatorio.

Os socialistas lalinenses afirmaron hoxe que a cuantía das multas pola Policía Local e concretamente pola zona azul é bastante elevado a día de hoxe en Lalín polo que fan un chamamento ao Goberno Local “para facer unha reflexión sobre se hai é necesario que as multas da zona azul sexan de 40 euros ou 20 en bonificada para proceder a reducilas”.

Así dende o PSdeG-PSOE local afirman que recentemente o acalde aprobou os expedientes sancionadores de sancións dun período algo superior a un mes e o total das sancións supera os 14 mil euros polo que tendo en conta que no ano 2013 se consignaran nos orzamentos como ingresos por multas 40 mil euros e finalmente se recaudaron 157 mil e para 2014 foron 90 mil os proxectados, cifra que semella que se vai quedar curta.

González Aller chama a facer unha reflexión sobre que “todos os anos se superan os obxectivos en multas polo que hai que valorar se son moitas ou o custe das sancións é moi elevado no relativo á zona azul (as outras sancións veñen marcadas polo Ministerio do Interior)” e afirma que “hai cidades nas que anular a sanción por non poñer o ticket vai dos 6 aos 12 euros e en Lalín o mínimo con bonificación é de 20 euros”.

Afirman que “non pretendemos facer demagoxia con este asunto das multas, pero o certo que en Lalín o Parking leva 5 anos pechado, non hai moitas posibilidades de aparcamento e a dispoñibilidade de discos é limitada polo que entedemos que o cidadán medio pasa por dificultades e as sancións son moi elevadas”.

Así os socialistas lembran que “é certo que dende a Policia Local non hai un exceso de celo por multar na zona azul, pero estáselle atacando ao peto dos cidadáns,parece como si se quixera compensar que non hai grúa “ e sinalan que “as queixas son moitas ,a ninguén lle gustan as multas, pero consideramos que un prezo que oscile arredor de 20-25 por non poñer o disco e a metade en período bonificado é mais que suificente e demostraría que non hai un afán recadatorio”