-
“Os socialistas esiximos a documentación
para coñecer canto se gastou Crespo en avogados nun conflicto absurdo” sinalan
os socialistas.
-
“Xa está ben de facer tanta tontería poñendo
a Lalín por diante, que o pague dos seus cartos” indica o candidato socialista.
Os socialistas lalinenses criticaron
duramente a actitude do alcalde José Crespo polo pleito coa Deputación de Lugo
“pois ninguén entende que as administracións perdan o tempo en loitas absurdas
que non benefician aos cidadáns”.
González Casares lamentou que “un alcalde
dedique o seu tempo a pleitos sen sentido, pero o que resulta escandaloso é que
despilfarre o noso diñeiro en estupideces dese calibre que a ninguén interesan
e que non solucionan nada”. Para os socialistas xa está ben de que o alcalde
“co diñeiro dos nosos impostos e poñendo o nome de Lalin na picota se dedique a
estas tonterías, se quere xogos de nenos que pague cos seus cartos”.
Segundo indican os socialistas “ a Crespo non
lle doen eses cartos e métese en canta poza hai porque sabe que a el
persoalmente non lle custan un peso, e así vai Lalín quitando cartos a outras
prioridades e gastando en avogados cando non hai motivo”.
Por esta razón e co fin de coñecer os gastos
totais neste último pleito o Grupo Municipal Socialista reclamou toda
información deses gastos para estudiala e facela pública pois logo “a falta de
transparencia en Lalín é abrumadora, so hai propaganda”
No hay comentarios:
Publicar un comentario