GONZÁLEZ CASARES ESÍXELLE A CRESPO “QUE CALQUERA ANUNCIO QUE FAGA SOBRE O CAR SEXA A SÚA CONSTRUCIÓN DEFINITIVA E NON TOMAR O PELO”

-        “Van buscar unha forma de finaciamento, e logo que fixeron nestes 5 anos?” pregúntanse os socialistas.

-        Afirman que Crespo improvisou unha reunión “a raíz da¡o compromiso mais firme que a Xunta de Galicia mantén con A Estrada”.

 O Candidato socialista á Alcaldía de Lalín ,Nicolás González Casares, esixíulle hoxe ao alcalde de Lalín José Crespo que “que cando se refira ao CAR que sexa para auniarnos a súa inmediata construción e non para dicir que ´a Xunta anda buscando cartos para ver se o fan algún día´ pois é unha tomadura de pelo aos cidadáns”.

 Segundo o candidato lalinenses “a Crespo entroulle o medo ao ver ,como soupemos antes pola prensa, que o compromiso da Xunta coa construción dun novo centro de saúde na Estrada é moito mais potente que a aposta da administración de Feijóo” e ante iso “improvisa unha reunión coa conselleira, que foi para curarse en saúde ante as reaccións que se puideran producir en Lalín”.

 Para o candidato socialista que a Xunta afirme que “van buscar a fórmula para ver cómo financiar a infraestrutura e que planexan unha PNL no Parlamento equivale a dicir que non existe vontade real de facer nada” e pregúntase “qué avanzaron no CAR nestes últimos 5 anos se nin tan siquera saben cómo se vai finaciar”.

 Segundo os socialistas “a solución está no DOGA e nos orzamentos da Xunta, dende logo para o 2015 non existe vontade de comezar o CAR,pois un investimento destas características estaría alí sinalado” e denuncia que a Crespo e a Román Rodríguez “xa se lles veu abaixo a mentira que contaban de que a construción do CAR estaba ligada ao do novo Hospital de Pontevedra, nin avanza un nin avanza o outro, e todo o mundo en Sanidade sabe que non hai ningunha relación entrambos”.

 Así González Casares cre “que en lugar de levar o asunto ao Parlamento onde o PP ten maioría absoluta e polo tanto non o precisan, o que ten que facer o alcalde é denunciar o Convenio coa Consellería e que se faga efectiva a construción,pois os lalinenses xa puxemos a nosa parte” e lembra que “xa van 5 anos de Feijóo na Xunta e este era a principal reclamación de Lalín e aínda non hai nada firme”