GONZÁLEZ CASARES DENUNCIA QUE “O COLAPSO DAS URXENCIAS POLOS RECORTES AFECTA A DECENAS DE LALINENSES”

-        “Destas cousas Crespo nin se entera nin fai nada, eu estarei sempre moi atento aos problemas e as novas do Hospital de referencia dos lalinenses” afirma González Casares

-        “Non lle preocupa a saúde dos lalinenses , so facer comendadores” espeta o candidato socialista.

-         “Mentras en Lalín o negocio sanitario privado medra, os efectivos da pública minguan” avalía González Casares.

 O socialista Nicolás González Casares denunciou hoxe que “estamos recibindo queixas de lalinenses que levan ás súas familias a urxencias do CHUS e teñen qe botar horas e horas se acceder a unha cama tras ser ingresados” e afirma que esta situación “mais grande do que se precibeu nunca e cunha gripe non moi agresiva este ano pon de manifesto que os recortes do PP atacan directamente a saúde dos veciños de Lalín”.

 González Casares tras criticar duramente á Xunta de Feijóo “por botarlle dun xeito vergoñento a culpa aos pacientes e pechar camas e precindir de persoal no Nadal xusto cando se sabe que hai picos asistenciais historicamente” afirma que “o CHUS é o Hospital de referencia de Lalín e é obriga dos responsables políticos mirar que manteña dun xeito axeitado para dar unha asistencia sanitaria aos cidadáns”.

 Para o candidato socialista “cando hai un problema que afecta a moitos lalinenses dun xeito importante hai que estar atento aínda que non ocorra en Lalín,pois neste caso o CHUS é un servizo de todos” e afirma que “eu dende logo estarei sempre vixiante e atento aos problemas do CHUS pois é o Hospital de referencia dos lalinenses e onde nos atenden de doencias graves, onde nos sometemos a intervencións cirúrxicas ou onde nacen os bebes da nosa vila, polo que os problemas do CHUS son tamén problemas de Lalín”. Para González Casares “non se trata de que os alcalde xestionen o CHUS pero sí que estean atentos a todas as situacións que se produzan e que poidan ter repercusión nos seus administrados”

 Así os socialistas denuncian “que nos últimos anos houbo un auténtico ERE no CHUS e agora xa o notan os cidadáns, mentras se recurtaba persoal e servizos aos lalinenses ,Crespo calaba mentras Feijóo presenta unhas listas de espera no CHUS que calquera lalinense pode comprobar que son falsas” e aínda por riba “o alcalde mentía, minte e mentirá con respecto ao CAR, neste asunto nin sabe e so engana, Crespo nestes momentos so está preocupado de facer novos comendadores”

 González Casares afirma que o problema actual xa está na orixe “cunha supresión de efectivos no Ambulatorio de Lalín ou cunha ambulancia municipal que noutras localidades si funciona como é a de Proteción Civil para traslados de pacientes e apoio ao 061 que ao ter que facer mais traslados a Santiago ten menos tempo para atender as urxencias en orixe, pero que en Lalín non ten nin permiso para circular”.

 Para os socialistas “o deterioro da Sanidade pública en Lalín é evidente nestes últimos 4 anos, mentras en tempos de crise os negocios da privada medran pois loxicamente as empresas ven oportunidade de negocio” e lamentan que “a carga dos magníficos e mais que contrastados profesionais da Sanidade Pública aumenta , están sometidos a unha presión descoñecida ata agora e que o PP non pretende resolver”.