- “A responsabilidade de Crespo é absoluta ,pois sabe dos problemas nesa rúa e non fixo absolutamente nada” denuncia González Casares
- Os socialistas lembran que xa dende 2009 avisaron dos problemas actuais por non arranxar a tempo as tuberías.
O
PSdeG-PSOE de Lalín reclamou hoxe que se “fagan xa as reparacións
definitivas na Rúa Areal para que non se produzan mais cortes de
auga nesa zona” e esixen que “se faga xa a substitución da vella
canalización por outra nova, pois non se pode seguir coa rede en
precario, nin na Rúa Areal nin en outras”.
Os
socialistas sinalan que “o tema xa ven de vello e non se fixo nada
por solucionar os problemas evidentes dos veciños” e afirman que
“o principal responsable do asunto é o propio Crespo pois é
perfecto coñecedor das deficiencias e estaba sobre aviso”.
Así
o Sº Xeral socialista lalinense Nicolás González Casares lembrou
que “no 2009 en reiteradas ocasións , tanto pola Prensa como no
Pleno Municipal o Grupo Municipal Socialista reclamou que se
arranxara a rede de abastecemento a raíz doutro accidente na rede de
augas na Rúa Areal”.
Xa
daquela lembran os socialistas que as ex-concelleiras Marta Lázara e
Beatriz García reclamaran que “cartos do Plan E se dedicaran ao
adecentamento dunha rede tan importante para os cidadáns como é a
do servizo de augas”.
Así
González Casares afirma que “o alcalde daquela prefireu meter os
cartos en Raena, novas piscinas, etc e non dar prioridade a unha rede
de abastecemento que usan todos os veciños e agora vemos claramente
as consecuencias” e afirma que “é lamentable ver como se levanta
a vila para meter o gas polo interese dunha empresa e non se move
nada para arranxar o servizo de augas”
NOTA
do 2009
OS
SOCIALISTAS RECLÁMANLLE A CRESPO QUE SE PLANTEXE XA O ARRANXO DA
REDE DE ABASTECEMENTO DE AUGAS NA NOSA VILA ANTE AS CONSTANTES
AVERÍAS.
- Lamentan que o alcalde preferira arranxar rotondas cunha empresa de fora no canto de solventar problemas reais.
Os
socialistas lalinenses reclamáranlle a Crespo que “xa é hora de
arranxar os graves problemas que ten a nosa rede de abastecemento de
augas”. Esta reclamación xurde da grave avería na Rúa Areal e
ante as chamadas de atención da concesionaria Espina y Delfín.
Ademais os socialistas lembran que unha das causas probables
apuntadas para a caída da Ponte do Pontiñas fora o mal estado da
rede.
Para
as edís socialistas Marta Lázara e Beatriz García non ten nome que
o alcalde non priorice os cartos que ten a súa disposición para
cuestións esenciais como a rede e abastecemento de augas ou a
mellora da rede de pluviais “pois tamén estamos vendo como cada
vez que chove un pouco en determinadas zonas de Lalín se producen
moitos problemas”.
Segundo
as concelleiras socialistas “é escandaloso que o alcalde se gaste
os cartos do Plan E en rotondas contratando empresas de fora ou
facendo un reloxio de sol cando os veciños teñen problemas no
abastecemento de auga, parece evidente que este alcalde non coñece a
prioridade dos problemas veciñais e vive noutra realidade”.
Marta
Lázara Fontao
Beatriz
García Iglesias
Concelleiras
do Grupo Municipal Socialista de Lalín
No hay comentarios:
Publicar un comentario