OS SOCIALISTAS LALINENSES CONSIDERAN INACEPTABLES AS RECENTES DECLARACIÓNS XENÓFOBAS DE CRESPO

-        González Casares esixe ao alcalde “unha inmediata  rectificación dunhas declaracións que avergoñan aos lalinenses”

-        Dende o PSOE lembran que “a Lei é igual para todo o mundo e se quere cambiala que fale cos seus deputados”.

-        “Non se lle escoita tanta agresividade para os seus compañeiros de partido que cometen delitos multimillonarios” denuncian os socialistas

 O PSdeG-PSOE de Lalín denunciou hoxe unhas declaracións do alcalde de Lalín nas que facendo unha apoloxía da xenofobia reclamaba nunha rede social  “penas mais duras para os extranxeiros que delinquen ou devolvelos inmediatamente ao seu país”.

 Os socialistas consideran inaceptables ditas declaracións por parte dun responsable público que en troques de actuar con cautela demostra unha capacidade incendiaria que avergoña aos seu veciños. O Sº Xeral dos socialistas lalinenses e o seu candidato as eleccións locais, Nicolás González Casares, reclamou xa “unha inmediata rectificación e petición de desculpas por parte de aquel representa aos lalinenses e que non pode dedicar a avergoñar á súa vila” e sinala que “ademais estudiaremos se son constitutivas de delito”

 Para os socialistas tras estas declaracións “agóchase unha violencia verbal da que Crespo sempre fai gala, lembramos como hai uns anos ameazou aos socialistas con escacharnos os dentes, algo impropio dun representante público”.

 González Casares lembra que “a Lei é igual para todo o mundo, sen distinción de raza,nacionalidade ou cor de pel, algo que debería saber o alcalde se é que coñece un documento fundamental chamado Constitución” e lamenta “a súa ignorancia manifesta pois o que reclama é inconstitucional ademais de noxento”. Por outra banda “se pretende un cambio lexislativo non ten mais que propoñelo aos seus xefes do partido pois teñen a maioría necesaria para facelo, se se atreven a plantexalo”

 Por outra banda os socialistas lémbranlle ao alcalde que “non se pode expulsar ao seu país a quen reside dun modo legal en España, se son delincuentes que paguen as súas penas como calquera” e lamenta que Crespo non reaccione do mesmo xeito “cando os Bárcenas,Rato, ou o seu amigo e ex-compañeiro Pablo Crespo e outros destacados dirixentes do PP levan millóns de euros de todos os cidadáns”.

 Finalmente lémbranlle a Crespo os socialistas que “se fai unha campaña para censar extranxeiros co único fin de manter os 20 mil habitantes ,resulta vergoñento que agora tras cumprir o seu obxectivo so pretenda botalos” e segundo afirma González Casares “son coñecedor de que nalgunha ocasión cando estaba buscando habitantes debaixo das pedras afirmou con sorna que ´os rumanos tamén enchen´na súa campaña curtoprazista para manter o censo”.