OS SOCIALISTAS ESIXE AO PP QUE “O ÚNICO ANUNCIO QUE PODEN FACER SOBRE A PEAXE DA AP-53 É A REBAIXA OU A SÚA ELIMINACIÓN”

• “Román Rodríguez e Crespo teñen unha nula credibilidade cando falan deste tema” sinala González Casares.
• “Que leven a cabo o que se acordou no Pleno Municipal por unanimidade e se deixen de propaganda barata” sinalan dende o PsdeG-PSOE local.

Os scialistas lalinenses manifestaron hoxe “a nosa incredulidade e a de todos os lalinenses cando dende o PP se afirma que a conxelación da peaxe da AP-53 é un paso para a rebaixa,pois saben que se trata dun engano”. “A peaxe conxélase porque manda o IPC e está no contrato,no 2010 sucedeu o mesmo e non dixeron que se trataba dun avance na rebaixa”.

Gonzále Casares reclámalle ao PP “que o único anuncio sobre a peaxe da AP-53 que se espera é a súa rebaixa ou eliminación e Crespo e Román Rodríguez a día de hoxe teñen credibilidade cero neste asunto mentras non se faga”. Así os socialistas lembran como tanto Feijóo como Crespo anunciaron reiteradamente en múltiples campañas electorais que se rebaixaría a peaxe e “non son nin capaces de que o seu partido acepte que se transfira a autopista á Xunta de Galicia como paso necesario para a rebaixa”.

Así dende o PsdeG-PSOE local lembran que “non hai moito acordouse unha moción por unanimidade que parteu dos grupo da oposición ,onde se esixía á rebaixa e a transferencia da AP-53 á Xunta de Galicia” e lamenta que “os popuñares din unha cousa en Lalín e fan outra distinta en Santiago”.

Finalmente González Casares afirma “que na rebaixa da peaxe e nos seus anuncios como o CAR que xa o anunciou unhas 5 veces, Román Rodríguez falla mais que unha escopeta de feira polo que mellor se absteña de facer de pitoniso e se dedique a traballar e non á propaganda barata”