- “O ben feito ben está e esperemos que perdure por moitos anos pois son un referente cultural” afirma González Casares.
- Lembran que “a colaboración de moitos fixo posible que Liñares acolla hoxe o Museo Galego da Marioneta”.
Os
socialistas lalinenses congrátulanse hoxe e queren felicitar a
todos os que participaron no proxecto pero dun xeito especial a
Viravolta pola reapertura do Museo Galego da Marioneta no seu novo
espazo no Pazo de Liñares.
Para
os socialistas este proxecto “sempre foi un dos referentes
imprescindibles para dotar dunha vitalidade cultural a nosa vila
ademais de todo o seu contido educativo e de animación social, Lalín
ten que protexer este ben”.
O
Sº Xeral dos socialistas lalinenses quixo felicitar a toda a xente
que fixo que Lalín teña de novo este museo e asegura “que hoxe
títeres e marionetas terán un sorriso nas súas facianas e o mesmo
Barriga Verde segro que se achega a Liñares neste día”. Ademais o
socialista lalinense afirma que “o ben feito ,ben está e esperemos
que perdure por moitos anos coa dignificación que supón o espazo
actual”.
Para
os socialistas a posibilidade de que o Museo se reabra en Liñares
forma parte da colaboración de múltiples institucións de diferente
cor e do acordo dos diferentes grupos políticos polo que “debemos
felicitarnos pois cando facemos as cousas xuntos saen ben”
No hay comentarios:
Publicar un comentario