O PSDEG-PSOE DE LALÍN LAMENTA DE NOVO A MALA XESTIÓN DO GOBERNO LOCAL POLA OBRAS DO GAS

-        “Curtaron o tráfico no principio da Avda de Buenos Aires e A Molinera e sementaron o caos na Principal sen control e sen sinalización” denuncia González Casares

-         Cristóbal Fernández lembra que “as rúas deben quedar en perfecto estado e non se cumpre nin de lonxe”.

 Os socialistas lalinenses volveron denunciar hoxe a pésima xestión das obras de canalización do gas natural no casco urbano de Lalín que está dificulando a vida dos lalinenses en moitos caso pola nula previsión e desidia do Goberno de Crespo.

 O socialistas González Casares afirmou que “no cruce do remate da Principal ,no que cruza coa Molinera e se inicia a Avda de Buenos Aires fíxose palpable ese caos que alimenta o Goberno Local coa súa inoperancia” e sinala que “en hora punta e con varias máquinas traballando na zona a Principal estaba colapsada e non había ningunha patrulla da Policía Local nin regulando o tráfico nin alertando aos conductores”.

 Dende o PSdeG-PSOE local estiman que “so con alertar na Fonte dos Cabalos que a rúa tiña obras ao seu fin os conductores non caerían na emboscada pois unha vez que entras na rúa non hai posibilidade de escapar dela ata chegar ao fin da mesma e dar coas obras” e cualifican como “o conto de nunca rematar os fallos de control do Goberno Local nestas obras”

 Por outra banda os socialistas fanse eco do mal estado no que están quedando moitas rúas tras as obras , que non son nin limpadas nin recuperadas como é debido e afirman que “recibimos queixas de veciños de todas as rúas polo pésimo estado no que rematan”.

 Ademais o edil socialista Cristóbal Fernández afirma qe “facendo gala da nula transparencia habitual no Goberno Local aínda se descolñece cal foi o aval depositado pola empresa concesionaria do gas ,pois se non repara axeitadamente as obras esperemos que haxa suficiente liquidez en forma de aval para poder devolvelas ao estado que tiñan prevoamente”