- “É un escándalo que a conselleira de Sanidade diga que se amortizan prazas no interior e se levan para as cidades” denuncia Nicolás González Casares.
- Os socialistas afirman que “hai varias prazas sen cubrir, non se cubren as baixas e unha praza de Pediatra está medio amortizada”.
- “Con esta conselleira é mellor que Crespo se esqueza de facer campañas de empadronamento pois traballa en contra”.
Os
socialistas saíron ao paso das declaracións da Conselleira de
Sanidade que onte mesmo aseguraba nos medios que as prazas de médicos
que se destrúen no interior se levan para as cidades. “Estas
declaracións da conselleira son unha declaración en toda regra
contra a Galicia rural,o PP urbano ensina a patiña e deixa claras as
súas intencións: demantelar a Sanidade onde non é rendible e logo
privatizala para que outros obteñan beneficios”.
Para
o socialista González Casares “é un escándalo que a conselleira
diga esta barbaridade e dende o PP de Lalín e doutras partes do
rural galego queden calados, é unha defachatez e un desprezo aos
cidadáns que mantemos poboación no rural”. Así os socialistas
afirman que “sen Sanidade e coa rebaixa de prazas nos colexios e o
peche de unidades escolares no rural parece que queren contribuir a
que vilas como Lalín perdan poboación como xa apuntan as previsións
estatísticas”.
Así
dende o PSdeG-PSOE local denuncian que “as palabras da conselleira
xa son de efecto palpable en Lalín onde nos últimos tempos non se
cubren as baixas de longa duración tanto de médicos como de
enfermeiras, hai 2 prazas de médico vacantes a día de hoxe e hai
xubilacións moi próximas “ e lembran ademais que “reduciron a
atención de Pediatría pois un das prazas está vacante e so se
cubre 2 días á semana”.
González
Casares sinala que “esta situación lonxe de mellorar pode empeorar
cando se resolva nos vindeiros meses o consurso de traslados en
marcha, pois probablemente van quedar novas vacantes principalmente
de enfermeiras” polo que advirte que “en lugar de reforzar a
Sanidade en Lalín o PP está contribuíndo a que o servizo efectivo
sexa o mínimo posible”.
O
líder dos socialistas lalinenses reclama a Crespo “que se
pronuncie e poña firme á comselleira pois lonxe de cumprir con
Lalín fomenta o seu depoboamento coa redución de servizos” e
lémbralle que “de pouco valen políticas puntuais como as campañas
de empadronamento cando dende a Xunta de Galicia toman decisións que
deixarán o rural deserto”.
Por
último lembra que o persoal sanitario de Atención Primaria ten que
ser necesariamente mais numeroso no rural en termos relativos pois
“as visitas domiciliarias levan mais tempo de desprazamento e os
pacientes son de idades mais avanzadas polo que son mais demandantes”
No hay comentarios:
Publicar un comentario