OS SOCIALISTAS LALINENSES AFIRMAN QUE OS ORZAMENTOS DA XUNTA “CONFIRMAN QUE O PP NON CRE NO FUTURO DE LALÍN”

• “Non hai nada para o CAR, nin para a Rolda Este, nin para rebaixar a AP-53, nin para o Edificio de Medio Rural...non hai nada, so miseria” afirma Nicolás González Casares.
• “É de supoñer que mañán mesmo Crespo se plantará en Santiago para manifestarse e Román Rodríguez votará en contra desta desfeita” sinalan os socialistas
• “Estes orzamentos veñen a confirmar a marxinación de Lalín dende que Feijóo asumeu á Xunta de Galicia, todo está parado”.

O Sº Xeral dos socialistas lalinenses, Nicolás González Casares ,valorou hoxe os paupérrimos orzamentos da Xunta de Galicia para o ano 2015 no referente a Lalín denunciando que “a Xunta de Galicia do Sr Feijóo non cre en Lalín e ano tras ano o ven demostrando, dende o ano 2009 os investimentos caen e as grandes necesidades de Lalín non son atendidas”.

Así os socialistas afirman que “Feijóo abandoa a Lalín, moita papatoria con Crespo pero a hora da verdade fai como o Goberno de Rajoy: para Lalín so miseria” e sinalan que os grandes temas de Lalín que foron anunciados de xeito reiterado polo PP en boca de Crespo, de Román Rodríguez ou do mesmo Feijóo son papel mollado e enganos reiterados.

González Casares sinala como exemplo a falta de investimento para o CAR “ non hai un peso para investir na Sanidade lalinense, fixéronse expropiaciónspero non hai nada de nada” e “queremos escoitar a opinión dos que pedían un Hospital en tempos do bipartito e agora non son quen de reclamarlle á Xunta que invista no CAR” . O voceiro dos socialistas lalinenses tamén lémbralle a Román Rodríguez “que non volva a mentir como todos os anos e nos fale de partidas xenéricas ou do Hospital de Pontevedra, pois cada ano queda como o que é : un político que engana aos cidadáns de xeito compulsivo”.

Así os socialistas manifestan que nos orzamentos non hai rastro de proxectos como a mellora da Ronda Este, do Edificio de Medio Rural do que xa case daban por iniciado hai 5 anos, da ampliación de Lalín 2000 ...todo son esquecementos e lembran que “unha promesa recente como o patio cuberto do Golmar que prometeron para o vindeiro verán tampouco aparece nos orzamentos”. O único que atopan os socialistas é o remate do Laboratorio de Mouriscade, un proxecto xa comezado feito coa Deputación e unha partida mínima de 27 mil euros en cuestións ambientais que non se especifican.

Á vista destes orzamentos dende o PSdeG-PSOE local supoñen que “Crespo pasaría o día de hoxe en Santiago e non se moverá dalí ata que se atendan as demandas de Lalín pois o Goberno de Feijóo estalle tomando o pelo a él e a todos os lalinenses” e esperan que “non haxa ninguén no PP de Lalín que teña a desvergoña de defender esta desfeita, ademais de que esperamos que Román Rodríguez estea xa redactando emendas que defendan a Lalín ou que opte por votar en contra destes nefastos orzamentos para a súa vila”