OS SOCIALISTAS ACUSAN A CRESPO DE LEVAR A LALÍN Á RUÍNA ANTE A RECLAMACIÓN MILLONARIA DA CONCESIONARIA DO PARKING

¡

• González Aller denuncia que “minten e estafan e aquí ninguén dimite”.
• Os socialistas alertan de que “hai mais reclamacións millonarias que calquera día poden caer”.
• Chaman aos veciños a “pensar nestas barbaridades agora que están a pagar un IBI de gran cidade para pagar os pufos do alcalde”.

Os socialistas manifestaron hoxe o seu asombro ao coñecer que a concesionaria do Parking Europa reclámalle ao Concello de Lalín unha cantidade cercana aos 6 M de euros dende hai case un ano. “Non saímos do noso asombro, preguntamos no Concello , no Pleno Municipal, ao alcalde persoalmente sobre este asunto e polo que se ve nunca xamais dixo a verdade, é dunha ruindade política que caracteriza ben a Crespo”.

González Aller, o vodeiro socialista manifestou que “Crespo e os seus secuaces mantiñan calada esta denuncia esperando a ver non saltaba antes das eleccións de maio” e afirma que aínda que Portas non consiga a totalidade da reclamación o que está claro é “que temos un problema brutal que pode asfixiar o futuro financieiro do noso Concello que está gobernado hoxe en día por auténticos irresponsables”.

Os socialistas acusan ao Goberno Local de “mentir e estafar aos lalinenses pero ningún deles dimite, non teñen vergoña e este asunto así o demostra” e lembran a “prepotencia do Concello que nos levou a ver como se derribaba unha praza pública, parte dun Parking, se pagaron mais dun millón de euros, o Parking leva 5 anos pechado e non se sabe quen se vai facer cargo”.

Asi mesmo González Aller lembra que hai mais reclamacións millonarias pendentes como a presentada por Espina e Delín ,concesionaria da auga, que ascende a mais dun millón de euros e outras cantidades astronómicas polo timo do Auditorio perpetrado polo Goberno Local en connivencia cun técnico de Urbanismo. De caer en contra todas estas decisións que ten que tomar a xustiza “non vai chegar imposto que pague esas barbaridades, son pufos para xeracións”.

Deste modo González Aller pídelle aos veciños que “estes días que están pagando o IBI, un imposto polo que en Lalín se paga mais que en cidades moito mais grandes, se lembren de que os seus cartos son empregados para sufragar pufos como este e reflexionen se esta situación é a que queren para sí e os seus fillos”.