-
“Resulta increíble que non aproveitaran o
verán para asfaltar esa zona e evitar que os coches queden atrapados” afirman
os socialistas.
Os socialistas lalinense alertaron
hoxe do mal estado no que se atopa o aparcemento de terra que da servizo a nova
piscina municipal e ao Lalín Arena “unha explanada de terra que en canto empeza
a chover énchese de lama e convírtese nunha trampa para os conductores pois os
coches quedan alí atrapados.
Nicolás González Casares, Sº Xeral dos
socialistas lalinenses afirmou que “ temos o goberno municipal da desidia e a
chapuza e non fai nada do que piden os cidadáns e logo fan o que ninguén lles pide” e lamentou
que “pasou todo o verán e demos por suposto que se tomarían medidas e se
botaría algún tipo de firme, pero agora vemos que chegan as choivas e volven os
problemas”.
Así os socialistas lembran que cando se volveu
arranxar ese aparcamento de terra xa reclamaran que “se botara algún firme ou
se asfaltara se non cada pouco tempo hai que meter as máquinas e facer unha nova
chapuza pero a neglixencia está no ADN de Crespo e o seu equipo”
O PSOE de Lalín reclamará novamente que se
“busque unha solución e que o goberno local se faga cargo dos danos e prexuizos
que lle poida estar causando aos usuarios pois xa van varios coches que quedan
atrapados e que teñen moitas dificultades para sair daquela lama”.
No hay comentarios:
Publicar un comentario