-
“Tomáronlle
o pelo á xente do que estaba sen traballo e por riba colleron cartos de todo”
afirma González Casares.
-
Os
socialistas afirman que as persoas afectadas en Lalín consideraron o programa
“unha perda de tempo e un auténtico absurdo”.
-
Dende o
PsdeG-PSOE lamentan o silencio do Goberno Local logo de vender políticamente
este fraude.
Os socialistas lalinenses que en días
previos reclamron información ao Goberno Local sobre o programa Empregatex que
se desenvolveu entre outros lugares en Lalín e foi vendido “como unha panacea e
un maná para recolocar a traballadores despedidos do textil” e que finalmente
aparece como “un fraude vulgar, de empresarios achegados ao PP e que a Xustiza
está desenmascarando estes días como un feito corrupto de dimensións millonarias”.
O Sº Xeral dos socialistas lalinenses Nicolás
González Casares lembra que “non pode haber nada peor que xogar coa ilusión de
xente que acaba de perder o seu traballo e usar cartos públicos dedicados a
fomentar o emprego para levalos directamente ao peto” e sinala que o Concello
de Lalín “foi un colaborador necesario para que unha parte de estafa se levara
a cabo co alcalde José Crespo á cabeza”.
Os socialistas están recollendo información
dos afectados que denuncian “ que foi todo unha tomadura de pelo, vendíannos
que gracias a ese programa íamos conseguir traballo pero na realidade non se
facía nada de nada”. Dende o PsdeG-PSOE sinalan que a sensación dalguns parados
de Lalín ao saber o custe do programa e o que está saíndo nos medios estes días
sobre o sumario xudicial é “de indignación pero tamén dunha sospeita confirmada
pois ao final o programa supuxo para eles unha frustración: ao principio
ilusionaronnos con moita presentación por parte dos políticos do PP incluídos o
alcalde e a medida que avanzaba o programa veían que os poucos cursos recibidos non se adpataban
aos perfís da xente”.
Por outra banda os afectados afirman “que non
houbo ningún tipo de intermediación laboral dos responsables do programa con
empresas como se anunciaba e simplemente se dedicaban a facerlles entrevistas e preguntarlles pola
súa actividade en búsqueda de emprego e mandarlles anuncios de ofertas de
traballo ao alcance de todo o mundo, polo que entendían que os inxentes cartos
destinados ao programa tiñan que rematar noutras mans”.
Así os socialistas reiteran que o alcalde de
Lalín “ten que despexar a incógnita do papel do Concello nesta trama de
corrupción na Consellería de Traballo por simple respecto aos parados e paradas
de Lalín que foron desprezados por xente do PP e que aínda por riba colleron
cartos de todo” e Nicolás González Casares reclámalle ao Concello de Lalín “que
non se poña de perfil pois hai unha investigación xudicial con detidos, e
moitas fotos de políticos do PP como o noso alcalde ou a Conselleira facendo
publicidade do programa e vendendo públicamente como un triunfo para Lalín o
que agora resultou unha estafa”.
Finalmente dende o PsdeG-PSOE de Lalin
“entenderemos o silencio neste tema como unha complicidade absoluta cos
estafadores do público agora encausados por parte do alcalde de Lalín” pois
sinalan que “debe unha disculpa polo menos por participar neste asunto tan feo
e reclamamos claridade oara que se saiba a verdade” e sinalan ademais que “o
programa prometía unha colocación superior a un 50% e finalmente pasou por
pouco do 35% pero utilizando métodos fraudulentos e contratos falsos” , así
remata González Casares “a impresión dos participantes é que o programa non
facilitou por sí so a colocación indefinida de ningunha das persoas que nel
participou en Lalín”
No hay comentarios:
Publicar un comentario