-
Os socialistas lembran que
Crespo afirmara “que nunca mais se levantarían as rúas de Lalín para facer unha
canalización”
-
“Non hai información
axeitada nin se coñece con tempo a programación de obras nas rúas” afirma
González Aller.
Os socialistas denunciaron hoxe “a evidente
descoordinación existente entre Concello e a empresa que está facendo as
canalizacións para unha nova rede submnistradora de gas no casco urbano de
Lalín”. O voceiro dos socialistas lalinenses faise eco de comerciantes e peóns
das principais rúas da vila pola improvisación á que se enfrontan e os
prexuízos que se lles está causando.
“A xente queixáse da nula información que
recibe, empezan unha rúa logo van a outra e deixan a anterior sen rematar,
están sumindo ao casco urbano a un caos que en gran medida poderíase ter
evitado” afirman os socialistas que reclaman “que se executen as obras de forma
ordenada e coa suficiente antelación para que os que teñan negocios nas rúas ou
accesos ás súas vivendas poidan adiantarse aos problemas”.
González Aller en relación a actual
canalización de gas que se está a facer lembra que “Crespo , tras a anterior
canalización de telefonía por parte da empresa R afirmou que nunca mais se
volverían levantar as rúas de Lalín para meter subministros e agora vemos
novamente como as palabras do alcalde lévaas o vento”.
Os socialistas esíxenlle ao Concello que de
aquí a que rematen as obras sexan moito mais estrictos coa información e coa
continuidade das obras, que parece que son gobernadas dun modo anárquico que
fai que os veciños sexan sometidos a demasiadas molestias e danle un toque der
atención ao concelleiro Camilo Gómez Bodaño “que semella distraído nas labores
de velar polo interese cidadán e se preocupa mais polos da empresa, algo moi
habitual neste goberno local”
No hay comentarios:
Publicar un comentario